8月25初試快艇艇釣

話說在版上約腳失敗，朋友又就吾到時間，惟有兩人出發，船錢貴d都照去

一早七點半到青龍頭打算食個早餐再買餌，估佢吾到原來逢星期一休息，惟有食住午餐既包頂頂肚。跟手買蝦，艇家話買2斤3人釣連艇家，又仲佢吾到d蝦比較差，吾生猛，買吾落手，老闆娘見我地咁慢，一手撈一堆蝦，叫我地掉番死蝦出尼咁話。是旦啦咁，買左26兩左右，三百幾蚊。

出發到碼頭上船，一上船打個招呼就開船，一開始好慢，原來艇家掛住同同事吹，因為係老相識，跟手吹完去到盡直出交椅洲，果然150匹4沖夠晒力，搞到我有d暈船，不過十零二十分鐘就到，夠晒牛B。開始釣時，同事雖釣魚多年，但停左一段時間，要不斷轉釣組就開始中魚，艇家吾駛講，起魚效率極高，果然係釣左30年既老油條。
我都問下艇家有咩秘技，佢話我又係用個d蝦，又係個d鈎，好彩姐，果然謙虛。而我，咩料都冇，又暈船，嘔左兩次舒服好多，仲比同事笑我打誘餌。之後個幾鐘我完全釣吾到，同佢地講話只要釣一條都好，艇家話起碼要有佢一半先收貨。艇家大師太強人所難。直至我鈎到艇家條絲，佢幫我解左後轉左釣組，之後同事又話我挷錯，唉，玩路亞多連魚鈎都吾識挷比人笑，anyway，改良後既釣組開始發揮功效，先上沙立仔，再上，又上，又再上，好耐都冇試過一日上咁多，平日路亞多數釣地球多。第一次boat game真係過癮。先後又中左沙鑽，牛鰍，雞泡，石狗，烏絲bb，本來想掉番條烏絲仔落海，因為太細了，手掌都冇，可惜魚鈎由魚眼鈎出，魚仔已死，內心滿是罪惡感。
個人比較有趣既經歷係一次上2條雞泡，因為釣組大概係用鉛墜，上下各一鈎，可惜上水時甩左一條，不過係雞泡，不可惜呢！另一次係中午時間，因為我用小船竿，中左一野有d力水，心諗可能要撈基，但可能我釣細魚多，佢地當我大驚小怪冇理我，因為支竿係初學釣魚買既超雞魚竿，我都吾敢頂魚，放住比佢走，估佢吾到我釣右邊，左走船底向左走，搞到竿都飲埋水，玩左陣條魚冇咁好力，我亦決定暴力鎮壓，校實磅頂收佢上尼，原來係近一磅沙立，用開心磅磅既可能吾準。一上到尼同艇家同事一，個high five先。同事仲話我輸數量贏重量咁話。
艇家方面，3次定2次上雙沙，上沙立下沙鑽，又釣到黃釘同馬友，勁
同事有次仲勁，魚由船尾走到船頭，要我攞定撈基，結果佢大叫一聲，跟手極失望咁，我問佢，中雞泡?原來係成尺長雞泡，好大，個波，笑到我丫
一直釣到5點左右回程，魚獲約20斤，過半艇家上既，魚種除上述既仲有狗棍，惑，寶地，火點等等
船錢成700個頭，都幾貴，但勝在艇家會轉位揾魚，都ok，我番叮，好最後去相

没看到你约脚呢，下次有行程叫我呀，有空l必参加

弓喜! 弓喜!