2 匹艇仔之攻略--(馬鞍山、三門仔一帶)

為了吸引更多新人和學生哥參與釣魚活動，所以寫文推廣此項廉價活動。

其實在香港有很多地方可租艇仔去釣魚例如:西貢、大埔、將軍澳、馬鞍山等。價錢方面手扒艇就 $50-80一日、有摩打的$170-220左右視乎各位人力及財力。今次我寫由馬鞍山烏溪沙嘅2匹摩打仔可坐2人 ( 自己可揸唔使牌 )。租艇時摩打會入滿油及有一筒做後備，自己計算行程遠近

路線和入貨指南 : 首先大家可到馬鞍山嘅新港城落車，附近有茶餐廳醫肚及入貨 ( 糧水及魚餌 自己動腦筋找唔想比人話買廣告 )

裝備 : 4-8 磅魚絲、4-8 号波子鉛、3-7 号鈎或鉛頭鈎亦可。大尾魷装備可帶，因釣點經常都有大尾魷上水。冰箱，大陽帽....等等

魚餌 : 紅蟲 ( 黑沙、沙鑽、紅魚、連米 ) 青蟲( 黑沙 ) 生蝦 (斑及怪獸)
         以上提供係跟據過往中魚經驗所得。

服裝 : 建議短褲 + 涼鞋 因落艇時遇着水退要間水

費用 : 2 人共約350-400 左右

落艇地點 : 馬鞍山的 ( 渡頭村 ) 到左行出沙灘就見有 2-3間鋪。
               有 2 條路線可選
               1 由烏溪沙碼頭面向海嘅右手邊有路行，一直行就到
               2 於馬鞍山中心乘 taxi 去渡頭村落 $20元內.

注意事項 : 1 天口熱水一定要充足，唔記得可車去大尾督補給、
               2 救生衣船上有記得着、
               3 最好 2 人同行一來平 D ，二來有人照應
               4 十分重要，就係釣完記得在 香港魚樂網 發POST分享

釣點        : 1 劏雞井-於落艇後向三門仔方向一來車約 20 分鐘就到 (黑
                   沙、沙鑽、紅魚、石九.......等等
                2 沙州即大尾督霸尾 ( 黑沙、斑 )
                3 深涌 ( 沙鑽、大尾魷 )
                4 荔枝莊 ( 沙鑽、大尾魷、大泥猛 )
                5 白石一帶( 大尾魷 )

釣點地圖及相後補
資料會不定時更新
如有錯漏歡迎各方好友指教、指教

以上文章由本人創作，如要轉載請標明作者及出處。請尊重資識版權！

[ 本帖最後由 fishmantony 於 2007-5-10 19:52 編輯 ]

資料好豐富呀c兄，自從調景嶺清刷之後都無扒艇仔釣魚lu.

好耐無去呢度扒艇仔啦...

如落艇仔,我建議加件船釣救生衣喇!!

唔知有冇地方拍車呢?

原帖由 Barry001 於 2007-5-10 15:04 發表
唔知有冇地方拍車呢?

之前泊過但揸車的不是我所以唔記得，我星期2會去幫你睇下

[ 本帖最後由 fishmantony 於 2007-5-10 16:59 編輯 ]

原帖由 最強幻象 於 2007-5-10 14:17 發表
好耐無去呢度扒艇仔啦...

幻象兄快D走番轉，去回憶一下。

謝謝，預祝你釣多D及post多D相。

以我所知有船尾機既艇係要牌簿或行船証,4匹以下人牌可免!!!!!!記住叫艇主比埋其中一件信物你先好出海呀!!!!!!!

汀九都有艇租,價錢差唔多,提醒大家記得帶後備電油, 我試過無油 仲以為壞左又唔識整,扯極都唔著,最後叫船家出黎拖返去,畀多四十蚊