26/3 主場難釣鯉

健步兩日之後，已經飛唔起，唯有返去主場，執行特別任務。話說9月至今，仍然未能在主場釣到錦鯉，如果封塘前仲釣唔到，將會是06/07魚季之後，再一次全季主場錦鯉零收穫。

由於塘尾得2呎水深，已經唔多見到錦鯉。但我去過引水道入水口好多次，發覺每日總有三幾條錦鯉游入去。釣位方面真係冇得揀，得一個位，上面係樹，唔可以擧高之竿，前面係一大堆兩年前工程留下的鐵通，中魚之後絶對唔可以俾佢游埋黎，仲要呢個位係超多紅寶石。冇辦法，難釣位釣難釣鯉，好彩最後完成任務，剩下幾日可以安心再去健步如飛。

全日：30cm錦鯉x1, 非x5, 紅寶石xN, 龜x2

嘩, 咁淺水咪唔使去塘尾.....?
仲諗著去搵金霸王添....!

布腳= =|||玩甘大，搏什麼？

skycat772 發表於 26/3/2015 20:39
嘩, 咁淺水咪唔使去塘尾.....?
仲諗著去搵金霸王添....!

金霸王已經好耐冇蒲頭。而家主場已經好少人釣魚，下季再來吧！

sing433 發表於 26/3/2015 21:14
布腳= =|||玩甘大，搏什麼？

就係博金霸王囉。

早兩星期，在塘尾1.5主0.8布腳，即斷主線，影都睇唔到。

micro62 發表於 26/3/2015 21:21
金霸王已經好耐冇蒲頭。而家主場已經好少人釣魚，下季再來吧！

唔怪得你都要健步如飛啦

多謝分享！

这个季节玩鲤鱼，开饵很重要。建议你开饵的时候加一些红糖水，你试试效果。我不知道这样的手法在香港怎么样.

胡同儿男孩儿 發表於 28/3/2015 13:26
这个季节玩鲤鱼，开饵很重要。建议你开饵的时候加一些红糖水，你试试效果。我不知道这样的手法在香港怎么样 ...

謝謝你的提議，有機會一定一試。在魚餌方面的確要多下點工夫。