今日係患得患失嘅心情中出發,
點解??因為天氣唔好囉...
又係風暴前嘅低氣壓,
影響到個人又無黎神氣,
始終係難得嘅放假日...
好!!準備釣餌就出發
高筋麵粉+蛋黃+味之素=我今日之選
因為要用好細嘅勾,
為左上餌方便,
咁就參考日本人釣微魚嘅方法,
用針筒一細粒一細粒必出黎痴落隻勾果度,
加埋條幼繩套落手指度,
可以餌不離手,果然又方便又乾淨
另一個方法更簡單,
只要用保鮮紙包住一細舊,
用果陣用勾吉穿,
再小小...小小咁必出黎就得
今日係打算釣淡水魚,
目標物係"白ハエ"
即係我地成日聽到話叫八工果種軟淋淋嘅手竿,
所謂八工,,即係白ハエ呢種魚,
同屬品種好多,香港普遍嘅就係溪哥,
即係寬鰭鱲(曾有淡水魚研究者話,香港呢種應該係長鰭馬口),
本香另有一種類似嘅係馬口魚,
身型較大,個口又大好多,
應該較少見,我都未釣過!!
攪掂一切,簡簡單單食個粉就坐車出發,
飲支LIN LIN成個人舒服晒
早幾日特登買左一黑一白膠盤,
係黎幫D魚仔影写真嘅,
當然要帶埋去,
果然好方便好好用
套裝嘅釣組亦非常方便,
不過香港無得賣,有時間都要由日本訂多小小工具返來
日本人玩釣魚呢味野真係好認真,
其實我覺得佢地係好享受至真,
一種咁微細嘅目標魚,
竟然可以將樂趣挖掘得咁深入,
每一項細節,每一種道具,一點一滴都可以尋找到樂趣,佩服!!
今日除左目標(白ハエ)之外,
仲釣左好多七星呢種本地魚種,
呢個塘可能好多野食,
條條七星魚都肥到好似隻豬咁款
因釣點較荒僻,釣到五點幾就要收工走人喇,
順便影幾張黃昏鄉村照片,
一路欣賞住寧靜美景,
一路踏上歸途真係好正,
其實喺呢D地方生活係我呢我嘅夢想,
希望努力一吓,有機會實玩喇
返到西鐵站,當然要行一圈個小型墟市,
其實呢類市集我都好中意,
行吓感受一吓...唔錯唔錯!!
見到久違了嘅美食,買左喺車站外坐低慢慢食,
感受一吓黃昏,吹吓風...舒服到唔捨得走呀
人生其實要追求嘅野...短短呢一刻已經話左俾你知了
|
提升卡
置頂卡
沉默卡
喧囂卡
變色卡
千斤頂
顯身卡
樓主