09/05/2015 -- 雞旦與高牆

今日又去搵雙猛借運,八點到達霸邊見未夠水開支12呎仙竿玩吓魚仔先,
原來宜家霸邊俾網紋霸佔晒, 羅非小之又小, 而且又多溪哥仔,
唔怪得無乜人玩啦.


釣咗幾條魚仔後, 人魔來到陪我到十點水夠, 佢有事走先, 我就同剛到的地魔落斜路.


原來雙猛一如以住, 早到觀察環境作好準備. 機會真係留返俾有準備的人.
大猛係我餌都未開好時, 己上咗條35cm泰鯪. 睇到我口水流.


而細猛就係我右邊開始上土鯪, 左邊的地魔不停上非毛, 佢仲話要我毛都無條真狠毒.
正當呢兩道牆封殺得我體無完膚之際, 突然諗起師父講過, 只要不停向一點出擊.
就算係雞旦都會打穿牆.


諗到對策後, 我即刻向地魔那邊不斷打竿, 有如千萬顆雞旦投向佢要害.
也數不清打咗幾多竿? 漸漸有土鯪埋窩, 由鉤身到食正口. 終於將高牆打開一個小洞.


這時地魔面沒血色,急急執嘢走人,還留得支浮標. 正當我沾沾自喜, 以為打到地魔"棄標而逃".
先知佢係睇到天色唔妥, 估到雷雨將至才即閃.


係地魔走後半個鐘, 突然狂風大雨, 雙猛和我瑟縮於小小雨傘下全身盡濕.
大雨持續咗大半個鐘後, 雙猛見細雨馬上走人.
留下我靜候雨停, 五點半開開心心回家.....!
全日漁獲---
大猛-- 35cm泰鯪x1, 35cm麥鯪x1. 30cm土鯪x2.
細猛-- 35cm麥鯪x1, 土鯪x9(30cm-40cm).
地魔-- 非毛x167
skycat-- 土鯪x14(20cm-30cm)

多謝分享！

FELIX009 發表於 15/5/2015 16:52
多謝分享！

多謝捧場

呢排臭河真係冇嘜景。。

亞昌 發表於 15/5/2015 22:41
呢排臭河真係冇嘜景。。

因為太多人落網，上中下游都有人搵食。連屠房都有南亞人落水網，乜魚都俾人網晒了。

skycat772 發表於 15/5/2015 23:08
因為太多人落網，上中下游都有人搵食。連屠房都有南亞人落水網，乜魚都俾人網晒了。
...

性哥話下次要打柒D網魚既人

亞昌 發表於 16/5/2015 12:57
性哥話下次要打柒D網魚既人

打得幾多個?一雞死一雞鳴呀