2號溪河戀

新玩具...支...2號玻璃纖維竿到左手一段時間都未開光,
終於FLY LINE及絞到埋喇,當然身痕要安排開竿
玻璃纖維嘅FLY竿都未玩過,
聽聞就話比較難做CASTING,
而且條FLY LINE亦係平價貨,
唔知質量如何??????...............
點都好,試吓就知...食早餐出發!!

要釣呢d咁嘅溪澗真係要好小心,
因為澗道落差好大,
深水起上黎會超過二十呎水深,
就算晴朗時間,你亦不能確保上遊有無驟雨,
溪澗集水能力非常高,
隨時可以突然間出現出洪,
所以唔建議一個人作釣,
最安全係同有經驗人士同行及有充足合適裝備,
山洪暴發,絕對會死人的,切記切記!!

因屬非常輕火釣具,所以今次目標係異鱲,
所以喺下遊隨意玩左一陣就向上進發,
魚量較以前就少左好多,
就連附近嘅溪澗都一樣少左魚,
我都唔知點解...??
既來之則釣之,努力去玩吧,
好在行得深入d都係有魚嘅,
而且體型算唔錯
異鱲呢種魚,持久戰鬥力係好好,
配合2號玻璃纖維竿,釣味非常好,
竿及線嘅拋投,比我想像中要好,
係線嘅順滑度差左D,
不過咁嘅價錢我係接受的

成日水入面行來行去,個人係好消耗體力的,
好在士多有杯麵食....感恩啊!!