25/10/2015 -- 三釣姻緣.

八點到達天貓花園打咗幾竿, 吉利/藍刀群又唔俾落底.
持續咗個多鐘漸感氣餒時, 背後突然有人大叫查牌, 原來係野釣王子晨運完來探班.
趁機向佢請教, 佢用我套平民釣具示範如何避魚仔,
見佢先快速揚盡竿將魚仔引晒出去, 跟著將餌由竿尖慢慢吊落底.
如是者半個鐘就俾佢上到條鯉魚仔, 真係嘆為觀止.


中午佢有事走先, 我跟著佢所教方法, 順利釣到幾條目標魚.
臨收工時又遇返彩虹仙子, 唔通呢D 就係傳說中的"三釣恩緣"....?
5 點開開心心回家...


p.s : 回程行經金山路口見一目測過百斤大野豬俾途人餵食, 全不怕人任人摸添.
       奇景.......!


全日漁獲--
野釣王子-- 25cm鯉魚x1. 吉利毛x167.
skycat -- 十間x1, 禾金x1, 錦鯉x1, 30cm彩虹鯛x1. 吉利毛x169.

應該有兩隻，好多時都見到。你行的好近都得，但未見過有人摸佢地。

亞昌 發表於 27/10/2015 12:28
應該有兩隻，好多時都見到。你行的好近都得，但未見過有人摸佢地。

只見一隻, 個途人餵佢食餅乾, 跟著任人摸.
當時好多人開手機閃光燈影相, 佢都唔怕. 好似狗仔咁乖...

多謝分享!

真係未見過，好想摸下!

FELIX009 發表於 27/10/2015 22:39
多謝分享!

真係未見過，好想摸下!

多謝捧場。真佩服那位人兄夠膽摸隻大野豬，如果佢發惡咬一啖就大鑊。