再見2015迎接2016...新年快樂

辦網者一年的感言...

黎到今日,魚樂網已經同大家渡過左3240個日子了,
網絡世界變化多端,雖然小弟係從事IT行業,
對於呢d現象都應係見怪不怪,
始終係自己一手建立嘅網站,
由呱呱落地...到盛到衰...不免有d感慨!!
潮流嘅野,無論是優是劣,無人可抵擋,
好似FACEBOOK平台已經係一個好好例子,
如果你問我,我當然覺得係有其不足之處,
最少...要做資訊整理及參考已經好大缺點,
不過配合流動平台,暫時黎講真係無得輸,
呢個現象就已令我早於三四年前思考魚樂網的轉變出路,
奈何資源不足雖然黎到依家,轉變嘅步伐仍然係慢,
當中亦有好多工作係要做的,
雖然依家人流量跌至每月不到20萬PV值,
坦白講,如以專題性網站黎講,已經難能可貴了!!
反觀香港以釣魚為主題網站,大部份一早已關門大吉,
魚樂網只要仲有捧場客,喺可見嘅將來,
係會配合釣友需要,繼續堅守我地嘅責任,
為大家提供更多資訊的,
祝各位釣友新一年,繼續...
開開心心釣魚去,平平安安返家來!!

祝爆叔/香港魚樂網..及各釣友...
元旦快樂....

新年快樂~~~~

爆叔辛苦哂,支持你