非常懷念未變機場既[赤立角]

在小弟14~5歲時時都去[赤立角]釣魚架,果度比我既感覺真係好正,係屯門坐街渡去,當時駛船既大叔佢隻右手同右眼都係年青時用魚炮炸斷同炸盲既,
到左[赤立角]碼頭行入d就見到文叔同佢間士多仔,果時住宿都係$25一日,同三五知己大話西遊釣下魚,天光一眾人坐係碼頭睇 粉紅色海豚(中華白海豚),
水退扒下蛆,碼頭旁沙灘釣親上黎d牛揪都大大條既,果時都唔愁冇魚釣架,黃腳,牛屎,斑斑....但令小弟又驚又怕既係成日都有蛇出現,見過最大果條有成
6~7呎長全身烏黑,心想比佢咬到就邊度都唔駛去囉....
時光飛逝,滄海桑田...... 往時只能回味 比返舊時個[赤立角]我喇!唔該

[ 本帖最後由 魚大盜 於 2007-5-12 00:45 編輯 ]

我中學果陣都去過一次,果陣都係未發展,
大家都有可惜感覺都並非偶然!!
事實香港都市化實在太利害

果時..我最多都係去吓..沙漯灣咋

唔知有無師兄,可post D赤立角未變前的相呢??

讀中學時去過那裡夏令營，個營好似由教會辦的。由屯門容龍別墅附近乘街渡去的，印象有d模糊lu，只記得有遠離塵囂0既感覺。

果時有錢釣魚已經好好架喇,邊有錢買相機呀
我試過只夠車錢回來冇錢買餌都要去最多用螺肉釣囉 果時d生活真開心.........

原帖由 魚大盜 於 2007-5-12 12:45 發表
果時有錢釣魚已經好好架喇,邊有錢買相機呀
我試過只夠車錢回來冇錢買餌都要去最多用螺肉釣囉 果時d生活真開心.........

果然爛釣喎~~

又一個沙螺灣之友!!!

師兄你我都係釣魚佬,我糷釣既心態你會明白既

舊赤立角我都未去過，想起來真是有些遺憾，
未建機場前的沙螺灣，是我經常去的地方，
這裡是各種立魚的天堂，青鱸也有不少，
真是一個魚產豐富的地方，投釣者的天堂。
自從機場工程展開，我也找不到地方投釣，
專注了艇釣一段日子，直至新機場建成後，
我又來到這裡開始磯釣，但是一切已經改變了。