師兄~姐們可有一d舊釣點.....

把心裡令你難忘既舊釣點用文字寫出來比大眾懷念一下,
在小弟心中排第一位既舊釣點 [深水埗舊碼頭]
係我好細個果時深水埗碼頭(位置:通洲街)現由通洲街行到新碼頭起碼45分鐘,
當時係碼頭釣到既魚獲可大可少,眼見d老前輩用水曱甴釣過斤 黃腳同釘公,
用蝦仔釣3斤幾 牛揪 2~3斤既斑都見過好多次,眼見最大條既魚都成28斤,
後黎先知叫 冇牙佬=細鱗 ,我想你地會覺得奇怪點解我會知d魚有幾重呢....哈哈!
因為當時碼頭行過d有一間老字號釣具店 六記 現在執左笠喇(所以唔怕比你話我
賣廣告..哈哈!),當時店主六叔佢真係超好人黎架,d人釣到魚攞去磅下幾重六叔一定
話冇問題同你養埋又點話呀.....回想六叔佢老人家都仙遊左好耐 懷念一會
深水埗舊碼頭可是小弟愛上釣魚既因素,六叔同d前輩係我愛上釣魚既助力.

嘩~ 28斤細鱗

將軍澳工業邨...呢個地方...係我真正學遠投既第一站...係短短既三個月裡面...

我係度起到既黑沙...超個二百斤（個人）仲要係保守估計...最細都幾乎斤半以上...

最大...我都悟知...因為我悟太喜歡秤魚...我估大約四斤至四斤半...

每個星期最少釣四日...每次平均起六條...最多個次...個人十六至十七條...

而超過十條既都有七次八次...個陣時起魚起到無人信...所以舊事重題..多左個雅號...吹水皇...

係當時都起過少少震撼架...如在現今一定上硬報紙喇

原帖由 最強幻象 於 2007-5-12 14:54 發表
將軍澳工業邨...呢個地方...係我真正學遠投既第一站...係短短既三個月裡面...

我係度起到既黑沙...超個二百斤（個人）仲要係保守估計...最細都幾乎斤半以上...

最大...我都悟知...因為我悟太喜歡秤魚...我估大約四斤至 ...

...................................................:fb4

原帖由 <i>dordorfun</i> 於 2007-5-12 02:58 PM 發表

...................................................:fb4  

我估你都知架啦...呢個故事...

只求回味呀,多謝師兄既分享..唔該晒

最懷念係卜公碼頭，由 chok 泥猛開始，一路轉玩單勾，用紅蟲，落樁底釣 d 大泥猛，用蝦仔釣立，掃水曱甴，可以斷到阿媽都唔認得，又可以多到阿媽都唔信 (好快母親節，所以提多幾次媽媽 ) 每星期都釣幾次夜水，d 立真係有身份證就有，冇身份證都有。

第 2 懷念o既係沙田何東樓，同個同學仔扒艇仔出去釣，扒到掌紋都變，又係多到呢 ，第一條過斤o既黃腳就係在何東樓果到釣

[ 本帖最後由 JL-Crazy 於 2007-5-12 15:31 編輯 ]

卜公碼頭我都留唔少腳係果度呀,記得有年成個碼頭d海水都係黑色架(因有大量 老泥 出現而令d水變成黑色)
係果度釣過大量 老泥同3~40條黃腳同一條2斤幾芝麻....值得懷念既舊釣點

神學院碼頭! 細細每個weekend都入愉景灣住. 星期日早上通常會同父母坐佳渡 ( 8:00am)去神學院碼頭! 上左碼頭左面有個小沙灘, 入面有個淡水小泊瀑回一個半咸淡水的水塘仔( 因D海小可衝到入去. 好多釘公係個塘到gar!!  重有個神學院係山頂, D 大人會行去買新鮮的十字牛奶!  係個到買D十字牛奶同外面ng同gar! 個bottle 開左面第一darm 係D cream gae 物體!! 香龍又滑!! 同而家D ng同lu.神學院 我自己一次都無行過上去! 因次次都想去fishing   細細個覺得好正gar! 好多石九紅妹釘公班仔釣. D uncle 用竿有時有D大小小gae魚中, 真係好high 好正gar!! 8歲之後就無乜釣魚lu. 對上一次去已是10年前的事. 個到已無左個塘變左石屎牆lu. 現在不知變成點lu ..