悲情社會...

小弟在魚樂網這個大家庭都混了一段日子，見到好多師兄都毫不吝嗇自己0既釣技及心得，
在這個冷冰冰的網上世界公諸同好，好為每一個新手上路都有一個方向。
由小弟在路亞世界跳進一個陌生0既EGI世界，魚樂網的每一個帖子都成為我向上，不斷練習的推動力。
亦開始不知羞恥的向各大師傅分享我上魷0既喜悅。每日總要花幾小時在魚樂網上遊走，
希望可以多學習一點大師兄的釣技及釣品，最令人難忘0既當然係版主門口中所說的C&R。
小弟0既釣齡都有十幾年，細細個跟老豆去海邊玩到宜家同朋友一齊去玩，由手絲牌玩到有第一支路亞竿。
所有0既一切一切都見證住香港0既變化，唔單止係魚獲0既分別而且係釣品0既分歧。

由於剛剛見到阿gil師兄0既一個帖，令小弟這個多月0既鬱悶都終於按挨不住。
在十一月的日子裡，小弟每星期都抽三至四個晚上去努力練習釣技。
終於在某個晚上上了人生第一個30cm，當然的興奮到宜家都重係回味在腦海中。
但係在一位相識多月0既師傅多番說服下，將我的30cm送畀師傅享用。
雖然我認為久不久拿一隻回家都不過為甚，但係由回家的一刻，我開始有一d內疚。
我甚至唔想將這次釣獲分享，因為對自己又進一步破壞生態平衡而感到內疚。
可能有人會覺得我太誇張，甚至連屋企人都不停咁說服我帶多一點回家享用，
甚至送給朋友享用。但由某一日我從某釣友口中得知，我0既主場在早幾天有人在boat game0既時候，
集體捕殺，80幾隻大尾魷，10幾隻針墨，不論大細，都全數拎走。是真是假，
小弟無從判斷，但係一諗到呢個情景，實在太慘不忍睹。雖然爆叔都好似講過唔好再討論相關或類似的題目，
唔想因為放生問題而產生大量矛盾，亙相攻擊。但係小弟經過個多月0既反省，
終於都想係呢度同各釣手訴一訴苦。

小弟一直係度諗，其實有咁多人去磯釣，去fit魷，去上排玩，大家都係為0左娛樂，為0左享受釣魚0既過程。
小弟雖然唔可以100%全數放生，但都盡量選擇，有時連女朋友及家人都交代唔到。
但係小弟釣技有限，極其量都只係上到魷b，真係下不了殺手，到有份量0既魷出現0既時候，
又想可以保留多一點魷命，令到大家都可以多d機會享受到釣魷0既喜悅。
但係眼見越來越多0既釣友用姣蝦去拖魷，但係不論大小都全數拎走，想開口又怕畀人打，
唔出聲，個心又唔上唔落。再諗深一層，其實大家都係因為成本問題而放不開手上的魚獲。
其實釣魚0既裝一d都唔平，但係都唔可以一定要好貴先可以釣到魚，但係大家都希望用釣魚0既過程，
以小駁大。磯釣為例，又要打粉又要買餌，一d都唔低消費，就連簡簡單單垂釣又好，
魚餌魚絲都係錢，連一條魚都拎唔走咪好蝕。當然小弟都 經過呢個階段，但係好早就習慣兩手空空咁返屋企。
直到開始fit魷，不斷0既投資釣具及新鮮好奇感都放唔返d魷落海。但經過每位師兄以身作則，
C&R0既印象不停在腦海中重現，開始全面c&r，甚至同朋友細佬去釣魚，對佢0地唔肯放生0既行為，
破口而出導致鬧致不和。可能係小弟太過執著，但係大家有無諗過，去到釣場0既時候，
在眼前出現一艘艘0既艇仔落廉，落網，趕魚等行為，我都相信無幾多個釣友會欣然接受佢0地0既行為，
甚至會去破壞佢0地個網個廉放返d魚。但係自己又想拎魚走，其實係咪開始出現矛盾呢?
你拎一條我拎一條，個海就少兩條，無話少0左隻艇而少網0左八條魚，而令個海會多0左八條魚。
d魚艇，作為釣友跟本無力抗衡，甚至你鬧佢佢都會繼續，咁我0地又有咩辨法呢。
既然政府唔及其他地方咁有法例去監管魚獲，但係點解唔可以釣友以身作則去保護我0地0既海洋呢?
其實係唔同0既版都發現有唔少釣友都埋怨釣獲一次比一次差，但係又發賴埋怨係釣艇之過。
但係自己係咪完全無責任可言呢? 我都好贊成有師兄發起幾多cm以上0既魚獲先拎走0既行動，
咁起碼唔會十足十咁傷害我0地0既海洋，既然大家都對自己0既釣具釣技都投放0左咁多心機同金錢，
為0左大家都可以繼續享受釣魚0既樂趣，點解唔可以多d放生呢...? 出艇係要錢，但係明知d魚唔夠大，
都要勉強拎走埋謹餘0既魚仔，咁再遲d，大家再畀幾多錢去坐艇，去上礁都唔會再搵到魚。

對唔住爆叔，我0既任性希望唔會令到你作為呢個網0既網主有任何0既麻煩，小弟只係想呻一呻。

你出呢個帖嘅原因我好了解,
放心....我之前所講只係希望大家唔好針對...批評他人釣獲分享,
如果純分享講吓catch & release係無問題,有同感嘅咪入來講兩句囉,
正如我尊重他人唔想放生,亦希望大家尊重支持catch & release者,
文明人做文明事!!

多謝爆叔0既體諒! 魚樂網萬歲!

我既睇法係唔好浪費，夠食就收手，唔食就唔好帶走。有時帶走一兩隻對大海又未必有會太大影響，加上大尾魷既生命週期唔係好長，你唔帶走佢，到佢產完卵都可能會死。
我主張既係放生雌性同埋細小既大尾魷。

我既睇法係唔好浪費，夠食就收手，唔食就唔好帶走。有時帶走一兩隻對大海又未必有會太大影響，加上大尾魷既生命週期唔係好長，你唔帶走佢，到佢產完卵都可能會死。
我主張既係放生雌性同埋細小既大尾魷。 ...
cheung_on 發表於 2008-12-15 13:00

                               
登錄/註冊後可看大圖

lure 中既魚... 我一條都冇拿過走... 不幸死左都放回海分解...

squid... 我有小建議... 我留意到公母比例上... 公遠遠比母少(不夠專業沒有數據支持... 只係計我中幾多做參考)... 所以我建議只取約20cm不在繁殖期的母(比較好食)...
留公來播種吧... 繁殖期就忍忍口... thx

"change" 唔係一兩日嘅事，有哩份心意，做好自己，足夠啦。

你的帖子我好欣賞,無C&R点會有大尾魷呢?
我玩EGI不經不覺有半年,有分享中魷的喜悅.可以話由O開始根住個綱玩到E家.
無論釣技以致釣具種類,都知多好多野.眼見E家好多釣友分分中30++….表示今年
特別好景.正所謂,E家無30++….都唔敢上帖子呀.
不過,(我自己見解.)都幾担心吓將來是否咁好景呢?
記得我約10幾年前,風摩一時的遊艇釣墨魚團.初初,成千上萬的火箭魷分分在水面看得見只要用白色膠管的八爪鈎,好容易就釣上來.
.接著好多旅行社分分辦墨魚團.我有一次見到,一次過幾10隻遊艇排隊到西貢碼頭接人,人客更加迫滿整個碼頭.
.10幾年後的今時今日,已經沒有E支歌仔唱.今年夏天有參加過墨魚團,只是小猫34隻遊艇接客,而魷獲就小得可憐,全船得34隻.最好笑係個領隊說:你們
如果釣到悶悶地,可以唱吓K,後來船主做了幾大碟現成魷魚比我們吃.安慰吓我地.點解時今日會咁樣.原因咪D人過份暴穫的後果啦!
言歸正傳,EGI釣大尾魷,得本綱推廣C&R才臨時控制個數量,如果唔係將來會變成點,可想而知啦!



請大家珍惜珍惜.


                                                                                                                                                                                                                   mabel