29/10/2016 -- 猛人土鯪窩

自上次42條白鯽後, 狗仔良在地膽幫廣傳開去, 終於傳到雙猛到.
今日特地來找我晦氣. 話好多人追問秘餌配方. 增添不少麻煩.
經解釋後, 佢地知我是無心之失. 就原諒咗我.   


原來昨晚佢地都有來斜路, 但魚情不佳, 臨走時打咗個土鯪窩, 留返今早再戰.
真係講都無人信, 我用同一份餌居然兩個鐘一條白鯽都釣唔到.
而佢地就不停上土鯪. 見此佢地分咗些餌俾我. 即上土鯪. 厲害...!
佢地早走, 我先上返條白鯽. 可惜水己退盡.


2:30 轉到霸邊. 收工前上返條38CM大白鯽. 5點開開心心回家.


全日漁獲--
大猛-- 土鯪x6(30-35CM). 40CM白鰱x1.
細猛-- 土鯪x8(30-45CM), 55cm白鰱x1.
skycat -- 土鯪x6(30-38CM), 50cm麥鯪x1, 50CM白鰱X1. 白鯽x2(25, 38CM)