30/12 新樂園試爛竿

月初在樂園試光棍節淘的十八呎新竿，成功釣到錦鯉之後，唔夠幾個星期，新竿就在樂園勾網炸了第二節！唯有自行維修，將斷了的兩截套在一起，用超能膠粘實，砌成一支十七呎的爛竿，再去新樂園試吓可否釣到錦鯉。

11點鐘到達新樂園，因為害怕水尺位遊人多是非太多，就直接落去橋底釣位。開好支17呎爛竿，用0.8主0.4腳，大約7呎水深。打幾竿即上22cm大藍刀，跟著上來的都是藍刀。加多了花生麩，調硬及重魚餌之後，即上錦鯉及土鯉。點知正在偷笑鯉魚咁易釣之際，一抽斷主線，浮標都冇埋！

換成2.5主0.8布腳大標之後，完全冇哂魚訊。如是者攪了兩粒鐘。開支15呎0.5主0.3腳釣一陣又飛竿斷腳，真係冇哂辦法。

直到三點半，換過腥餌之後，爛竿終於黑標飛竿，連上四條錦鯉。四點半走人。臨走經過水尺位，仍然是超多錦鯉。

全日釣穫：錦鯉 x 6（15-20cm x 3、30cm x 2、40cm x 1)、20cm土鯉 x 2、藍刀 x 8、非 x 2、網紋 x 1）

多謝分享!
又有嘢學到。

呢個位真唔錯, 起碼不用招惹是非.
但有無見大錦鯉呢?
水尺位係時候放棄...

好奇怪，呢個位D錦鯉沉哂落水底，所以係睇唔到、釣到。水尺D錦鯉就浮面。

仲有係呢個位水漲難落去，但水退又太淺水，唔係好多時候可以釣。

micro62 發表於 5/1/2017 00:35
好奇怪，呢個位D錦鯉沉哂落水底，所以係睇唔到、釣到。水尺D錦鯉就浮面。

仲有係呢個位水漲難落去，但水退 ...

即係要釣就要快啦！好釣點住住有時限。