25/02/2017 -- 寒天魚訊小, 一中不得了

天文台話今日得10度兼大東風,諗著都唔慌有魚, 所以就去臭河釣電話.
8:30 到逹電話亭, 上游水位低咗呎幾, 加上雙魚河升霸, 導致上下游連成一線.

轉去梧桐森林, 一如所料整個早上漁訊不多, 有的都是一二目抽唔到魚.
無魚訊加上寒風刺骨真難捱, 正想放棄之際, 突然一口重力差點拉我落水.
馬上運勁死頂, 好彩用上18呎2.5主2腳2號新關東先可勉強一鬥.
在漫長的五分鐘, 雙手不由自主發唞. 唯有咬緊牙關拼命一戰.
最終上得一條破紀錄巨鯉. 無耐仲秒殺一口. 而且魚星四起. 發達了........


豈料2:30鉤多條手板非後, 雙魚河放霸水位急降.
只可提早回家. 沿路行去地龍口, 幾近見底.


全日漁獲-- 78cm鯉魚x1, 手板非x1.

果日，我都係放壩後去左下游屠房，拖左一陣假餌。地龍口真係乾到見底。
不過，過左兩三日，水就差唔多滿番晒。

师傅，梧桐河通常是哪一天放坝的啊？唔该晒...

FELIX009 發表於 8/3/2017 17:42
果日，我都係放壩後去左下游屠房，拖左一陣假餌。地龍口真係乾到見底。
不過，過左兩三日，水就差唔多滿番 ...

係咩？咁屠房有魚嗎？

ckylkl 發表於 8/3/2017 22:50
师傅，梧桐河通常是哪一天放坝的啊？唔该晒...

梧桐河通常連場大雨後，氣霸上游段河水漲至2，2米就放霸。
雙漁河升霸就不定，如星期六升霸就多數星期日下午3點放霸。

skycat772 發表於 9/3/2017 20:35
梧桐河通常連場大雨後，氣霸上游段河水漲至2，2米就放霸。
雙漁河升霸就不定，如星期六升霸就多數星期日 ...

收到，唔該曬。
另外醒請教，梧桐河通常什麼位置，比較適合新手練習？是靠近氣壩，還是那些凸出來的平台？還是其他地方？

現在去地龍口一帶多鯉魚和白鯽，可去試試。即奕趣園那段河。