最中意邊度食海鮮

咁由火車站行去碼頭...同係中環行去港外線...咪差悟多...

聽日正面話你知你會明d

原帖由 <i>island</i> 於 2007-5-14 05:26 PM 發表
聽日正面話你知你會明d  

好.......

華少大大...........
就係我老友果間啦
哈哈哈哈...........發記囉
我都成日食架
加杯冰凍啤酒仲正

布袋澳....對我來講布袋澳方便...我都去過很多次...價錢都算適中.味道吾錯.我就喜歡 weekday 晚去..少些人...尤其是有糖水食..平,靚,正呀!!!!

布袋澳!!正

幻象哥你真係隻開心果o黎o既！睇完你d對答真係無會無覺好訓，實笑醒
我自已唔係咁中意食魚，所以去食海鮮餐多數無魚類，但鐘情於蝦、蟹、甲貝類多
有幾個地方都好中意，最熱門係鯉魚門、在市區算方便，價錢就...嘿嘿！
反而布袋O，我係好多年前開始入去，當時係好偶然咁駕車入去釣魚，在裡面食午飯；我記得當年只得兩間，發記及入到尾在海上搭台的，唔記得叫乜鬼野島咁，因見發仔收加一，咁天氣又正，就揀最出間乜野島坐低，環境非常正，個炒飯d蝦大大隻，出面招呼d小姐又客氣，想唔到d出品比美鯉魚門，自始就多左入去晚飯了，出面間發記亦有幫襯，一樣咁好味。但自從開多左好幾間，人客旺，怕泊車難就無再入去了，好懷念
離島我食過一間，在坪洲，好似叫乜馬車咁上下，好細間門面，其中一味叫籠仔蝦蒸糯米飯，好正，d糯米飯有炸菜蝦乾拌混蒸熟，放在舖上荷葉襯底的籠子，再加鮮蝦上面蒸熟，風味一流，因當時係朋友請客，聽講此菜要預訂；但咁多年，唔知重有無Luu

西貢，以前有一間，唔知係o米幻象哥o個間，垃圾站旁入，有一味豉油雞，係將成隻雞起肉去骨留皮，再將雞肉加配料調味釀番入內，用豉油雞做法上碟，好正，又係要預訂！

大澳d墨魚餅可以比美澎湖馬公的花枝餅，好正，如果加上丁香魚露點食重正

爆叔，咁多區有好味海鮮，揀唔晒bor

[ 本帖最後由 鄧波比 於 2007-5-14 20:15 編輯 ]

我邊樹咁犀利...不過係Ｄ朋友安個花名比我姐...

你西貢個間悟知係咪我食開個間...但印象中佢都好似有隻雞要預訂...

其他佢仲有道菜叫...香芒大蝦...就真係要預訂...成80蚊一個人...

太貴...未食過...有次想食...個cheef覆返個電話比我...話Ｄ蝦悟靚...叫我悟好食...

想起以前讀書時，有個名詞叫“掃街”，想起真係開心；反而現在無奈得很Luu

而家比小返管理隊掃就有份...有特色...好食既香港美食...已經沒落晒...

你睇旅發局都已經無用美食天堂型容香港好耐...而之後購物天當都無用左好多年啦...