釣魚可以減壓?

而家既我竟然發現自己既減壓方法係對住個海自己1個人坐係度
吹下海風或者自己去釣魚,係對自己最好既解決壓力方法,可能自己
讀書讀得小所以搵野做都比較難,而家既我就做緊某間大保險公司既秘
書仔,可能因為自己老闆都係因為有壓力未解決,每日返工我都會提心吊
膽怕自己終有1日會變成炮灰,而且有時訓訓下教都會發開口夢夢見自己
返工做野既,開頭返工既時候話就話返朝9晚5,而家慢慢變成朝9晚6,晚7
或者晚8,最夜10點走都有試過,而且有時又覺得自己特別黑仔,份份工都係
抵受唔住身邊太多小人而放棄唔做,我自覺都係做好自己本份難度因為我
唔會擦鞋所以而針對我?難度因為識擦鞋既同事佢地唔駛點做而有人工加,
而我就做到死就因為呢個原因所以唔會加人工?所以今朝早我就決定左1樣野,
老細,你加我幾錢人工都好,我唔會再理你,我對住d魚好過對住你,起碼佢地唔會
無理取鬧先,你有壓力未解決既話而我又何常有壓力解決過呢?而家有時間既話我
情願去釣魚減壓令自己開心d,雖然釣魚係冇人工仲要付出,不過我享受到既喜悅唔係一般人感受到既

完全同意~~~~釣魚真係非常有益~~
不過一定要安全~~

原帖由 batchan 於 2007-5-15 14:10 發表
完全同意~~~~釣魚真係非常有益~~
不過一定要安全~~

我係而家有壓力未解決所以先好想去釣魚囉而家

我非常同意釣魚係好正嘅減壓方法,
當你喺好舒服嘅大自然環境,又好專注咁釣魚,
真係有D入憚嘅感覺!!

我自己工作左都唔短日子,對於"擦鞋"兩字,唔同階段都有唔同理解!!
以前就唔好講,依家就好相信人和係做好事情嘅根本,
特別係當你希望事業更上一層樓,良好人際關係不可少,
其實所謂"擦鞋"只係製造愉快關係,為你的工作實力加上催化作用而已!!

原帖由 cafu 於 2007-5-15 14:23 發表


我係而家有壓力未解決所以先好想去釣魚囉而家

放工走去玩陣囉~~~放鬆下~~~

此話題在好多釣魚人心中真係互有因素，難捨難離，
試下咁去睇，首先，在生活中工作與釣魚是兩件事，除了是工作上有關者例外，先不談去釣魚的目的先，始終工作是工作，釣魚是釣魚嘛！
第二，釣魚運動中，尤其是磯釣，所需要的工具配件什多，所以在應用及樂趣方面亦較多，不論工具平貴的問題，最終花費高亦是必然，對嗎！
等三，時間上的取捨分配，磯釣除享受工具運用的樂趣，誘餌使用上的滿足感，搏魚及中魚的成功感亦是不可或決的推動部份，想釣魚釣得好，基本功是要時間去磿練，應變能力高是要多釣及多到不同環境釣場去面對及學習；都市人一年只得六、七十個假日，仲要不是全適合作釣的時份，作為都市生活的人可以配合得上的，條件一定不差！
好簡單，要有時間去釣魚，首先條件是時間可以自我安排配合；其次要有足夠消費能力去支持；所以平時可以用優閑的態度去面對，只要努力工作，安排妥當，積極面對人生，定可成功，切莫將釣魚淪為逃避的借口！
Sorry 大家，發了一輪up phone

[ 本帖最後由 鄧波比 於 2007-5-15 15:02 編輯 ]

原帖由 cafu 於 2007-5-15 14:05 發表
而家既我竟然發現自己既減壓方法係對住個海自己1個人坐係度
吹下海風或者自己去釣魚,係對自己最好既解決壓力方法,可能自己
讀書讀得小所以搵野做都比較難,而家既我就做緊某間大保險公司既秘
書仔,可能因為自己老闆都 ...

非常認同

補充 : 釣魚係可以減壓,不過見到有新野出,
無錢買就好大壓力

原帖由 naobao 於 2007-5-15 14:29 發表
我非常同意釣魚係好正嘅減壓方法,
當你喺好舒服嘅大自然環境,又好專注咁釣魚,
真係有D入憚嘅感覺!!

我自己工作左都唔短日子,對於"擦鞋"兩字,唔同階段都有唔同理解!!
以前就唔好講,依家就好相信人和係做好 ...

咁又係既,可能做得老細既野諗住佢大晒掛,因為大家都知做得保險呢行既人
多數係咩人多啦,而且太多小人啦身邊,所以如果有得比我選擇既話,我情願
比條魚咬好過對住d咁假既人

完全同意"擦鞋"睇你點睇法

對上司又或者老闆比你的工作
做到超額完成又或者做到110分
咁又係咪"擦鞋"
又或者叫你做公司野,但又唔係你職責上的事
又係唔係"擦鞋"
學波比大大咁話:積極面對人生,莫將釣魚淪為逃避的借口

我覺得係適者生存
肯付出才有收穫,事業才會更上一層樓
最後想講一句
WORK HARD, PLAY HARD