輔助道具

因為依家我玩微釣用嘅釣組有需要按情況配置,所以係需要自己做,所以就先做呢個道具方便自己,其實結構唔複雜,只係一個木框,上面加三個繞魚絲嘅EVA轆,下面加個位置固定鉛粒,背面加黑及白色膠片磁吸背板,材料用上核桃木,沒有其他原因,只因我喜歡紋理,整個框都是用木工膠粘合,比較大嘅工夫係上面要用機器囉三個圓位,其他工作都係簡單。
如果唔係玩微釣嘅朋友可能唔明白個道具如何使用...
其實就係用頂部EVA轆卷好魚絲,穿過頂孔拉至下層,再穿過下層靠前方孔下穿,套上承重鉛粒。魚絲就會打斜,方便我點上UV膠做目印粒及上漆,可以同一時間製作三組。我仲打算加埋LED燈照明及UV燈硬化UV膠,將所有功能一體化就最正。
其中一張有魚獲相片內,前面放嘅黃色一粒粒嘅就係製作出來嘅微釣目印。