以為釣其實食

買左支新Tenkara
咁就去開光
既然上山
咁就順便BBQ
因為天氣極寒
魚非常難釣...
幸好都有得影吓相
至於食就唔駛多講
睇吓相片就知道有乜好野食!!
除左新竿仲有新爐新防火墊用
果日有兩個小插曲...
釣釣吓跌左個尾塞
個尾塞係木製
我好中意架
喺溪邊地方其實好難搵
好在朋友幫我搵返!!
因為硬碰硬係好易鬆
拿拿加返個膠圈
咁就安全好多!!
另一件事係入夜後
正在BBQ中...
突然聽到遠處山坡有人聲
越來越近仲見到有燈光
我強調山坡係無路的
之後就有幾個操普通話嘅男女
佢哋可能係見到我地燈光跟住行落黎
相信佢地迷左路
其實都好危險...又凍又夜又唔夠裝備
大家戶外活動真係唔好咁樣!!