風雷雨電下試竿

昨晚去醫院睇街症
打左支針又食左抗生素
今日就好好多了!!
見未見有落雨就出發玩一陣
帶支新竿新線試吓
平常黃竹坑站落車會轉巴士
今次就沿河邊行吓
環境幾好!!
坐船去到釣點個天已經黑媽媽
拿拿淋即刻開竿把握變天前嘅時間
又幾好喎!!中到D幾好呎吋嘅目標魚
玩左一陣雷暴警告就來
見目標達成就即刻收檔走人!!
條新線我之前喺廣州已體驗過
至於支竿我覺得比較墜頭
而竿身較硬
不過中魚後嘅釣味都唔錯
要配個大D重D嘅輪
咁樣整體平衡感會好D!!