蒸蟹餅

大概 4 人份量:

梅頭肉 10 蚊
雞蛋 4-5 隻
蒜頭一個 (鍾意重蒜味可以加多 d)
蟹一斤至斤半 (咩蟹都得，甚至乎水蟹都冇問題，基本蒸完 d 蟹會冇晒味)。

蟹"湯"好後斬件備用 (可以先走一走油，會香 d，水蟹就不用走油了)

梅頭肉用刀"啄"碎 (或者搞碎，我自己就鍾意"啄"，食起上黎比較有咬口)。

蒜頭又係"啄"成蒜蓉。

"發" 好雞蛋後加埋"啄"好既梅頭肉、蒜蓉、鹽約 2 茶匙、糖約 1 茶匙，跟住再"發"。
(鹹、淡味依個人喜好，將鹽同糖既份量加多或減少)

準備一個可以放在火上燒的容器，將以上"發"好的倒進容器內，將蟹件放在肉餅上，隔水蒸 15-18 分鐘 (熟的時間因應蟹餅的厚薄不同)。蒸熟後將整個容器放在慢火上烘，烘的時候，要移動個容器，使到受熱平均一些，直至聞到有輕微的燒焦氣味(好香好香)，就可以拿起，食得。

蟹餅蒸熟後會有些水，如果太多，可以倒咁 d，留番 d 烘既時間會收水。

呢個蟹餅送飯真係冇得頂

正, 我以前朋友請吃過,好好味, 想要做普很久 !!! 謝謝 !

烘改成在焗爐焗可以嗎 ??

嘻~我屋企冇焗爐，未試過，不過效果會有 d 唔同。

用火烘，個底會有 d 焦，果 d 焦好味到呢

原帖由 JL-Crazy 於 2007-5-19 22:41 發表
嘻~我屋企冇焗爐，未試過，不過效果會有 d 唔同。

用火烘，個底會有 d 焦，果 d 焦好味到呢

焦味會唔同 !!!!火烘會正d !!!

多謝JJJJLLLL 哥哥分享..............

家鄉式蒸蟹餅在以上的材料外再加入三四塊"啄"碎的薄荷葉,所帶出蟹餅的味道,會是另一種景界!