分享

前陣子有人因分享問題鬧得不愉快
小弟有時覺得好攪笑有D人 post 相但虛報釣點一係就話係什麽秘位
好似驚死人釣晒D魚咁.....haha 好似好幼稚
就算比你上到果位唔代表一定釣到魚，相反唔上果個位係唔係代無魚釣先.......
尤其而家D釣況今日大咬第日可以一條都無呢D情況週時有啦
既要分享又為何忍瞞；如要忍瞞又何必分享呢??
當然啦每個人想法都唔同，只不過為左D呢問題鬧到不快就唔好啦係咪
p.s.以上只是小弟肺up 有錯莫見怪

如果唔想公開釣點我覺得唔post就最好

最煩就係放相大家分享又話賣告真係怕怕地

我覺得其實並唔係驚d魚俾人釣晒
係驚d人污染左個釣場
垃圾唔帶走已經夠晒冇癮啦~

忠哥, 我都好支持你所講, 但係有一個問題, 我都想同大家分享下, 有時同釣友分享左個釣點之後, 最後得出個結果會點呢? 比人日抄夜抄? 抄幹抄靜?  自己眼見, 香港人現在既速食文化已經達到巔峰, 無論咩都好, 最緊要就係快, 方便, 自己唔想辛苦, 人地釣到咩魚, 有咩收穫, 最想知既就係釣點, 想用最快既方式, 最短既時間享受一下爆釣既樂趣, 只係識得享受, 無諗過付出! 既然自己咁想釣魚, 點解唔自己行多幾步努力嘗試呢? 點解唔不斷求變, 求學, 求進取?

(本人只係隨心而發, 大家睇完有咩唔滿意, 睇完就算, 敬請勿插!)

原帖由 ncc 於 2007-5-22 02:51 發表

                               
登錄/註冊後可看大圖

既然開左 topic 分享, 就分享下有咩"鬧得不愉快"啦, 應該唔會係秘密o瓜!!

好多野都係有個range, 分享唔例外吧!!
有完全唔分享, 分享少少, 同埋完全分享.
諗通左, 只不個人之常情, 不外如事吧!!

個人想法。 ...

無錯我都認同有D人有限度分亨
可能有好多理由，一樣米養百樣人。
怕呢個釣晒呢個操手唔好留抵垃圾......
我嘅意思唔係想迫人分享釣點
而係分享係應該開心嘅

咁由係喎点都好做返本份咪得囉,

我覺得有時講真資料比人
佢地都未必相信你
正如其他師兄講自己釣果時就有
收料的朋友就無.......甚至有朋友過往經驗個位係無魚
所以我個人態度係覺得睇完就算
當然有部分post我認為可信性高的話
我就會出去試

仲有............有無魚釣到係咪真係咁重要先
我自己就係出去relax下架咋(因為我係懶人 )
所以你地好少見我post魚穫相片
就因為懶所以無魚穫
但我享受同朋友一齊望住個海吹水的一刻
至於他人點睇我既post.....我就好少理會

[ 本帖最後由 ray1217 於 2007-5-22 11:11 編輯 ]

我都覺得呢，分享釣點冇咩問題，話埋俾人知咩流最好釣，咩餌最得食都得。

但真係好怕果 d 釣魚習慣唔好o既人，搞到個釣場污糟啦；見你中魚，條魚都未見影就即將支竿"隊"埋黎；一早就去霸位，仲係開 3-4 支竿擺起到果隻...................等等...等等..不可盡錄。

唉...一樣米養百樣人...分享...係無問題...但老作...吹水...亂up...既人...比比楷是...

所以我從來悟會問人邊度多魚釣...釣悟釣到係天時..地利..人和問題..

有Ｄ人什至問埋你...係邊個位釣...點釣法...釣幾開...向邊度釣...等等不知所謂既問題...

但有時呢Ｄ係好朋友...直說無妨...（其實你問到我我一定講真話）...

但如果佢地諗深一層...釣場係要你自己去搵...釣點亦一樣...

一個合格既釣手...佢跟本悟會理會...悟會去問呢Ｄ問題...狗up完...