牛牛40(加相)一牛兩食

今日東涌打鱼，OSCAR兄及JIM兄一早就到，因小弟要上班，15:00收工後立刻飛地龍到，JIM兄有事先走，釣到21:00，二個人一口都無咬過，諗住收工，轉個位釣多一陣，一落餌到底，晃餌，發覺有輕微鱼訊，慢慢提竿，竿先一沉，用力一揪，好似掛底，再用力揚竿，會飛水，中鱼，立刻把竿舉起用竿的腰力帶起條鱼，嘩！一手都無得收，得個頂字，立刻叫OSCAR兄攞撈箕準備撈魚，頂咗一陣，發覺條鱼開始力弱，立刻收幾手，收收頂頂就見到鱼，OSCAR立刻落撈箕撈魚，點知離水太高，支一極唔夠長要OSCAR彎底條腰，用盡腰力先可以撈鱼，攪咗一陣條鱼終於上岸，手都未震完就攞鱼樂尺度一度先，啱啱40CM，幅相蒙蒙地因為隻手未震完，請見諒，條鱼花晒身，睇嚟都掙扎得幾利害。
非常多謝OSCAR兄替小弟撈鱼，無言感激，下次我請食飯。

40CM牛牛

一牛兩食，囡囡鐘意食煎鱼，老婆鍾意食蒸魚，唯有蒸頭腩(因要留鱼牙做標本)，煎魚尾，不過，兩樣我都啱，三個人食大牛真係食得好飽。

嘩!!!恭喜師兄係唔係上次oscar師兄個位中??
係o米用蟹仔中呢請問??

多謝師兄，全中，用腳指公大蟹。

腳趾公大蟹 呵呵呵 好彩早兩日入左貨,睇泥都要去攪攪佢先得喇

力拔牛屎氣蓋世

才哥恭喜哂,睇黎屋企又多棚牙做飾物擺設,小弟因要事,未能一倒你的風采,請見諒!!

恭喜師兄！下次再打過！

恭喜Carson師兄 40 40 ^^

牛牛到40,大方夾老實

6# lam
新手有運撞手神，起完條鱼手震加頭暈，付碌中啫，好希望LAM師兄過兩招比小弟傍傍身。先辨好正經事，下次有再約釣。