初探釣隊構思

題目影響深遠，三思而後行。

爆叔！

本人接觸好多DIY人仕，
亦明白製作需要及困難！
如果推動群組時一定會遇到，
小圈子及團購等問題出現。

魚樂網制度及規律化發展，
與時並進的確是一件好事！
但進行群組後，
群組內之人員會受制度規限時，
對日後管理帶來沉重的影響需加考慮！

有進步係好﹐小圈子﹖其實都係睇team member質素既
我諗大家可以朝著隊規﹐入team門檻﹐穿team服後要做/吾可以做既事討論﹖

爆叔！

本人接觸好多DIY人仕，
亦明白製作需要及困難！
如果推動群組時一定會遇到，
小圈子及團購等問題出現。

魚樂網制度及規律化發展，
與時並進的確是一件好事！
但進行群組後，
群組內之人員會受制度規限時 ...
TEN69 發表於 2009-2-25 01:54

                               
登錄/註冊後可看大圖

想不到這一點tim

有釣隊帶住新手係好事
起碼裝備及技術上可以省回不少時間同金錢
但有TEAM就一定要有人定時攪活動
如果唔係就冇意思,
因為正常活動耐唔耐都有一次
而家變咗係攪活動既頻率問題
但有冇師兄可以經常攞到時間出嚟攪活動又係另一問題
當然如果可以有多幾位師兄分區或者時段攪吓亦會事半公倍
小圈子方面
個人認為
實有啱玩D同唔啱玩既分別
啱玩既人好自然就會多D一齊玩
住得近又會好自然多D一齊玩
所以小圈子既野係自然然現象,,難以避免

攪團隊當然係可以令某種釣法多些人參與釣遊同討論，小圈子亦會難免同時出現。大家不見在網上每種釣法都已經係成為一個獨立圈子嗎？

如果係有需要組織比賽團隊代表魚樂網出外作賽，可事先提醒各網友有需要參加網上舉辦嘅釣遊，表露釣技，與眾同樂交流，同時亦需有其他網友（網主，版主）嘅認同及支持方能有參賽權。眼見早前有一班非活躍網民只為想參加某釣具公司比賽才群起出現本網，事後便潛水，不見蹤影。雖則事前有講明係先報先得，但對魚樂網網上其他活躍人仕新手或老將之失落似有不公。

在網上有好多網友都係多元化釣手，今日釣魷，明日假餌，樣樣精通，那要買幾多件＂制服＂才夠呢？ 我建議做有代表＂魚樂網＂嘅帽，T 恤及衛衣(Sweat Shirt) 加上各款（魷，磯，假餌等等）不同銳目布章，而布章亦同時方便縫上在各釣友常穿著之釣魚服裝，背包，竿袋等物呵。

團購情況，只要在私底下發生又冇影響平台上言論，有誰可保證無出現呀！

以上只係小弟小點議見，請勿見怪！

爆叔,

其他釣法我就唔係好清楚, 但如果磯釣組team, 相信會比起其他釣法會多不少障礙,無可否認的是磯釣本身的圈子已經好細, 有部份的活躍份子好可能背後已經是其他網的會員/釣魚會的會員, 如tiger所言, 他既然是業界的一份子, 外界人第一個直覺就會有利益關係. 同樣地, 如果另的版主本身亦有所屬的釣會的同時, 他們又能夠抽多少時間去管理釣隊的問題, 因為例行會議, 籌備等的事項並唔係三言兩語就ok, 我相信爆叔如果你想搞的時候, 係希望釣隊既有代表之餘亦都是有制度的釣隊. 我的建議係, 如果爆叔想組一隊team, 龍頭及幹事最好本身沒有釣會/業界的背景, 因為可以刪除外界的第一個觀念, 其次係相信呢班人可以付出的時間亦多. 人選最好由爆叔親自挑選, 找幾個有心份子去組成就已經唔係難事, 反之技術方面我相信磯釣版主亦會全力去協助.

暫時見到本網有能力成立團隊(在有充足的人力及技術支緩下的討論版塊有)

EGI
LURE
前打
FLY FISHING
磯釣

我同班石鯛佬,重磯佬,試個攪團....一團糟....
有的要早走....有啲唔夠喉....
因為會順得哥情失嫂意....人多意見多.....
如果冇立定規舉...帶頭嘅就成日要做醜人.....
爆叔未出聲前，因為好多新人想玩....
我已連同志同道合,決定定期攪團....
每月最少2次,逢六出,一次早去早番....一次早去晚番..
迎合各有所需....
想個版有凝聚力....

因發現好多時釣友真係有呢方面需要,想有一個團隊一齊玩,
當然亦有人係中意自由獨行....
我幾經思量,不能將呢D需求視而不見....所以想聽吓大家意見!!

[triggerfish] 除左成立釣隊有無其他方法？

不過我強調,並唔係所有專題釣法版都需要有Team,只係睇需要,
我自己就有幾點個人睇法及建議.....
成立一個Team目的,大前提最主要希望多D有心人幫吓網友解答問題及攪活動,
及提昇一吓發帖質量,我諗大家都唔係好想每次新帖都淨係得D大堆頭死魚相!!

[triggerfish] 唔好意思潑你冷水，不過我覺得係有心有冇team都會幫網友解答問題及攪活動，成立釣隊係唔係好事我係有所保留，係好係懷事乎你想將個網引導去邊個方向。有左釣隊候自然要有人去管理，要管理就要有法規......... 咁你同其他釣魚會有乜分別？哩個結果係唔係你想見？同你成立呢個網原來嘅目的有無分歧？

對於Team隊員,我並不會提升權限,只會提供Icon及形象產品(衫,帽....等等),
有興趣入Team亦要符合網提出嘅要求,
其他嘅我就未諗到....
不過防止小圈子出現就比較麻煩....
我遲小小會到出面版區,出個帖,睇吓各網友有D咩野意見!!

[triggerfish] 成立釣隊基本上就係將一啲人組織起哩，咁重點分乜野係小圈子，乜耶係大圈子？你喺大人地係細？圈子同圈子嘅磨擦，圈子裡面同圈子外面磨擦......頭都大埋，釣魚嗟唔駛咁複雜吓話。

唔好意思句句頂心頂肺，不過我好真惜一個得來不易，可以比一啲好憎組織化標籤化（我哩啲人）嘅一片靜土。