好熱、好失望

原帖由 yamamoto 於 2007-5-24 23:18 發表

                               
登錄/註冊後可看大圖

波比兄.冷靜d先，攪清楚件事先。
本人對電器機械都有d認識，首先你部機係窗口機定分体機先?或者一拖幾這種呀?後者較為複雜，通常先安裝後set up，好似買部電視機好多時都先安裝後再有c傅上來較台啦!電器物品好多時在運送途中 ...

明白，我部係一匹窗口機，佢理應出廠實有QC check過，都唔明點解，希望明天打電話佢地公司，可以立刻有回應啦，依家d天氣，無左部A/C都幾慘

原帖由 <i>鄧波比</i> 於 2007-5-24 07:57 PM 發表

  我都希望咁，但我覺得唔係維修問題，係品質的保證，佢講到咁我先揀佢
   冷氣機日立冷氣機22年銷量高踞第一位，無論是冷氣的設計，以至品質控制，均由日 ...

波比大大...廣告既野...聽左就算啦...gimmick黎架咋...

我記得細細個...睇左個tv ad...片中有個少女...悟知用左乜...之後跳馬又得...單槓又得...連跳over都得...

我個陣時又想學...咪問呀媽個Ｄ係乜...答案係...你悟好學呀呢Ｄ野...

到到大個左都叫知道呢Ｄ係乜...個陣時入左學校體操隊...就問下Ｄ師姐...

你地係咪用左佢先咁叻...唉...差Ｄ比人dau把星呀...

所以...廣告咪盡信呀...茶毒人民架...

原帖由 最強幻象 於 2007-5-25 12:52 發表

                               
登錄/註冊後可看大圖

波比大大...廣告既野...聽左就算啦...gimmick黎架咋...

我記得細細個...睇左個tv ad...片中有個少女...悟知用左乜...之後跳馬又得...單槓又得...連跳over都得...

我個陣時又想學...咪問呀媽個Ｄ係乜...答案係...你 ...

哈哈星哥你好鬼Q呀，咁都稔到，我以前睇完蝙蝠俠就學佢死對頭隻企鵝咁，渣把遮由抬面跳落地，但當時有單新聞話有個小朋友係屋企渣把遮跳樓.........

今早日立熱線打左去5次，每次等十分鐘後都無人聽，好彩百老匯的主任一早覆我，經過一輪投訴今午會有師傅來撿查先，希望明日可有機換，但呢個星期無得釣魚Luu

小朋友係屋企渣把遮跳樓.......真定假架...

我細細個咪扮超人...係張枱度跳落地...(呀媽話返比我知...因那時我只得四歲）

咁就...甩左挍...左手...中間位個挍...一路吊吊fing咁出廳同呀媽講...

我隻手斷左呀...嚇到我呀媽死咁濟...呀媽話我足足醫左一年...(睇跌打...dum症）

仲超貴添呀...七幾年每月成千幾二千蚊呀...


個Ｄ大公司既service係咁架啦...你要攪大件事...佢地既feedback先快...

波比兄,D電器新買7日内有壞包換,直頭叫百老滙換機啦!

師兄都係豐澤好D
唔係買廣告.......我無佢地股票

Thankyou ken哥、 ray哥，而家正等待c傅到，先睇下佢點解究，

星爺你都好百厭下bor， 我記得當時係在電視新聞報導時段講，跟住老爸就對住我身教luu，細個d事已無乜印象，反而最深刻係在4歲左右，培老爸一起買啤酒，當老爸俾$時，我就好開心咁抱住支酒彈下彈下咁跑番屋企，但突然從後俾老爸捉住兼打獲金o既，到幾十年後我地大家都重有提起呢件事，老爸就話我嚇死佢，我就話佢執得我好金，

哦...做乜你老爸無啦啦打你既 ...不過細個既趣事我都好多架...

原帖由 最強幻象 於 2007-5-25 15:26 發表

                               
登錄/註冊後可看大圖

哦...做乜你老爸無啦啦打你既 ...不過細個既趣事我都好多架...

我記得老爸只是呢一次打過我，佢話驚我跌倒爆樽受傷，我就越叫越走，老爸追到氣咳，捉到咪第一時間執劑Law，但當時我都唔知點解，聽到叫但唔識停，只知幫到爸爸手，好開心，唔知危險 咁就炳Luu！

原帖由 <i>鄧波比</i> 於 2007-5-25 03:38 PM 發表

我記得老爸只是呢一次打過我，佢話驚我跌倒爆樽受傷，我就越叫越走，老爸追到氣咳，捉到咪第一時間執劑Law，但當時我都唔知點解，聽到叫但唔識停，只知幫到爸爸手，好開心，唔知危險  咁就炳Luu！ ...

咁又係好危險既...我記得細個個陣時...樓下間士多呃我幾毫子（老豆比錢我落街買...都係得四五歲左右）

咁佢找幾多我咪收幾多囉...點知返到屋企我老豆以為我自己收埋幾毫子（個陣時幾毫子都買到好多野架）

後尾發覺我無錢係身...佢仲...拎把刀...落街...追返個幾毫子添呀...