TiGER日本釣行攻略

TiGER · 發表於 26/5/2007 02:33:09

2007年5月1曰我哋一行三人由香港出發到曰本神津島,早上八時三十分飛機至下今一時多到達曰本成田機場,由於我哋今次要坐船到神津島,而每日只有一班大船同晚上十時先開船,所以我哋先到神田放底行李之後到涉谷行釣魚鋪同買補給品,八時返到神田食拉麵然後到碼頭坐船.

TiGER · 發表於 26/5/2007 03:43:55

晚上十時開船,早上十時到達神津島,本來落船後放底行李後出發釣魚,但因風浪太大留係釣宿休息.第二曰早上六時出發,今曰風浪都收細咗少少,我哋上咗一個可避風既礁位.這礁位係一粒出水石,流水十分暢通同流速好快.當曰只釣到小黑毛同雜衣.

[ 本帖最後由 TiGER 於 2007-5-26 23:37 編輯 ]

TiGER · 發表於 26/5/2007 20:47:53

TiGER曰本釣行之神津島攻略.除神津島之外仲有三個島,一個叫祗苗島另一個叫恩馳島,同一個只有11粒出水石名為錢洲島.祗苗島既釣場流速快同多數係深揚.流速快既速度約三分鐘可放清150m魚絲(唔係中魚,只係放絲).
(圖1-7)我係祗苗一共釣咗兩個位,第一個位叫(陸之祗苗)這個位係一個嘴位,可同時容納十多人一齊釣.腳邊直落水深約四十呎起,(其他位一般都有七十至一百呎起).上礁後開始釣既時侯流速慢.我用B号浮波J6水中十二呎子線.一個多小時只有魚仔食餌同釣到約有一斤重飛魚(飛魚刺生係好好食).之後由本流跟住有冲目流再之後停咗二十分鍾後再行快速本流,(流速變化好大).我想本流應該有黑毛釣,這時即換釣組,由B轉3B+B水中+B夾鉛放流誘餌追波打.但本流無咩魚中反而冲目流就口口中魚,約六十呎遠到中魚.有黑毛、雞魚、同倒吊個科魚.之後流又慢咗釣腳邊有雜衣同白毛.

(圖8-19)第二次上咗叫(平段).這個位可用(激+流超快)流超快場又深釣咗九個鐘只有半個鐘叫停流.有其他釣打石鯛中咗魚不過之後斷咗,有大量青花魚一落即中一斤重,有日本釣友中黑毛40cm.而我哋係第三次再上哩個位後再釣,又係大量青花魚同黑毛,斷幾口無得還手.

(圖20-31)這個炒位只釣幾呎水即中.黑毛同白毛會升水升到幾呎水食餌如果有機會可試吓....釣組用2B+B水中,離釣四呎+G2夾鉛.
(圖27)果個炒白位流水右至左,暗藏殺機斷好多條黑毛....

[ 本帖最後由 TiGER 於 2007-5-26 23:47 編輯 ]

TiGER · 發表於 29/5/2007 04:24:59

TiGER曰本釣行之攻略..........
去曰本伊豆七島釣黑毛最好係12月至3月,因有黑潮經過(今次條黑潮係三宅島邊經過).魚竿方面用1.5号以上,如果放流要用2号或以上,因放流中魚後頂流都幾用力.中魚時頂唔起條魚過石斷,竿要唔夠力玩幾條就手軟.浮波用0号、00、000、Ｂ、2B、3B.夾鉛要由G6至3B.主絲用紅色、黑色、籃色較佳,號數就因人而定.
放流釣法.係子線上面可加重少少夾鉛,令釣餌可壓底一點.要突別主意控絲.打誘餌就每次追波打一兩羹.
礁邊釣法.可全個釣組都唔加夾鉛包括乘流水中都用無重量.無流魚仔會好多要用誘餌分離.最得食就一定要誘餌同步有流無流都一樣,如果口餌同誘餌分太開好易比魚仔食咗餌,誘餌同步就因粉同虾分散咗主意力而有機會避開咗魚仔.
天氣方面.因伊豆七島係東京南面温度最底都有六度左右,但風浪就有時好大,5-6M浪都見過,如果係12月至3用出發去曰本釣就要注要長否留長一點時間8-10曰.但可能釣得4曰.船長話唔出得或唔上得就唔好上啦.有次聖誕去八丈島釣四曰,四曰都好大風浪只能釣本島,但8-9級風真係好難釣.(今次有個曰本人係八丈島碼頭釣魚都比浪掃落海死亡).錢洲因每年1月1曰至4月1曰都封島,所以要4月後才可去釣,今次釣十曰都去唔到一曰就真係有點失望.

....如釣友有問題可回帖....

黑毛篇