天秤如有咩用途? 同中通鉛有咩唔同?

見灘投大家既釣組都係用天秤再駁子線, 話用途係壓低口餌
但同中通鉛有咩唔同?

唔一定嫁，我都係就咁用中通鉛嫁咋。
原因係.....我懶。
好似話用咗天枰，投出去o既時候，子線冇咁易同主線繞埋一舊wor。

見灘投大家既釣組都係用天秤再駁子線, 話用途係壓低口餌
但同中通鉛有咩唔同?
honam0125 發表於 2009-4-7 02:29

                               
登錄/註冊後可看大圖

我们这里大多用‘天平’。钩组可以涌动。比串钩钓组上鱼快

我认为和‘压低鱼饵’没有关系。当鱼坠投到百米以外就是用中通铅鱼钩也不会离底

我都同樣係用中通鉛~未試過用天平.....

天秤作用是在拋投時把仕掛及主線分隔開一段小距離,使仕掛及主線不會炒成一碟!
除此之外在拖釣時把海床沙泥翻起來吸引魚兒前來就餌!
而中通鉛使用較長的子線或仕掛,在拋投時很易和主線炒埋一碟!
但天秤較中通鉛昴貴,而且不是處處有售!

5# leoncody2639
C兄, 可否有天平圖片及功能分別作參考, 如果有埋價錢更very good lar ...

玩天枰是近這一年事情,最初玩投,要求唔高,射程近,可以釣到魚算,
現在較喜歡四處去搵下喲魚釣,有喲較長程搜索架撐好喲.
最初測試是用可換鉛的一種天枰,點知去到即投即掛,再投再掛,投出不足5次,兩組天枰報銷,
後期再測試固定天枰,發覺完全兩回事,卡到次數比用中通鉛釣組多,但差不多全數拉回,細看之下,個天枰條鋼枝花晒,原來天枰唔係唔卡底,而係個固定天枰鋼枝頂晒喲石仔同蠔殼,所以可以條絲有幾多力,就可用幾多力拉回組天枰返來,除非個卡到面高過鋼枝,如果唔係9成9拉得返.
後期改左用7kg(19磅)布線,效果更佳,由於布線是直接綁在天枰鋼枝上,只要接線良好,就可近7kg拉力,拉回釣組,亦由於布線無彈性,故可輕帶著天枰較企身拖行,可從感覺得知預計,是否在石仔面上拖.
我覺得用投釣架撐,最重要係您去邊處玩,就以西貢白沙島例,個場只得百五呎範圍係沙地,再出係石底而個場中間位又無石仔卡到,一般12呎竿'3號主'1號子'中通鉛仕掛,已足應付.
記得爆叔講過人竿配合,所以我就做支10號投竿,自製較輕天枰,可以成套架撐去四處搵魚,都無咁倦.
基本上香港釣場駛得郁遠架撐有限,好似我喲咁,有遠投引,就置多少架撐都無所為.
一般性玩下就,短竿'中通鉛都好夠駛.

固定天枰大約11元一支,一包3支即是33元.
下面一支打橫是自己用中通鉛做,約為10號,配合翻我自製竿使用.

多謝各位c hing解答

另一個想問既問題係灘投係咪投出後要慢慢拖番黎? (好似lure咁)
定係守株待兔?

8# honam0125
可拖釣也可以置底等魚,視乎你目標魚是想釣什麼,如沙鑽及黃立倉拖釣會較得食!

連米'牛鰍'沙鑽'鰈,都係大部分間藏身於沙內,等外面有食物經過先至出擊捕食,所以慢拖較易引到佢就餌,
有喲時候要就架撐,有部份沙灘,水退時沙灘邊積有污水層,喲魚迫左係出便,架撐投唔到夠出,就要投出污水層外唔好拖,等喲魚食餌.