雅比第一次惠東之旅

日期: 2009年04月10日- 13日 (4日3夜- 釣足兩日半)
地點: 國內惠東魚排
人物: 雅比, 小狗, 大久堅, 王子欣, hiu2006 再加七位朋友, 一行十一人
交通: 七人車
住宿: 惠東新世紀酒店

行程:

第一天-
下午四時十五分北角開車直上惠東, 由於高速公路需維修, 所以比原定車程多了一小時, 到達酒店時間晚上七時四十五分, 開車開足三個半鐘, 真係辛苦了大久堅!!!  
抵達後先攞房, 然後即去醫肚, 食飽飽後同小狗去了髮廊洗頭, 再由保鑣大久堅+hiu2006護送下返回酒店成班吹陣水就各自返房訓覺.

第二天-
釣具: 筏仔
魚餌: 青蟲, 生蝦
早上六點溫馨叫床, 出去食早餐, 然後直往魚排, 準時七點半開竿, 六點半收竿. 首個目標魚-黃腳立, 黃昏黑沙大咬, 大久堅搵到個靚位, 輪住上魚, 開心死!!
是日收穫都唔錯, 人人有份中魚. 由於玩得累累的, 食完晚飯後即回酒店, 傾一陣計就回房訓了.

第三天-
釣具: 筏仔
魚餌: 生蝦, 蝦仁
仍然係早上六點叫床, 七點半到魚排, 但唔知係咪之前一天釣得勁, 是日D魚精左好多, 釣穫明顯比前一日少, 有立, 鱸, 紅鮋, 總算人人有魚中...
而我...是日非常黑仔, 無咩口之餘, 一有口, 一係就抽唔中, 抽得中上到水, 解完鉤就走魚, 嬲嬲的.....一氣之下, 想行去另一個排, 但排同排之間只得一條超幼既木橋, 果條木得果一呎闊都唔知有無, 仲要唔係平既, 係圓頂, 又長, 要行好多步先過到去, 望完之後, 都唔知行唔行好, 但一諗到是日咁黑仔, 一氣之下, 唔理咁多, 落水就落水啦, 照行可也, 好在, 我身手唔錯, 總算平安行到過去, 又比我中番條魚....咁條氣先順番D咋, 陰公!!!!
最後, 都係同前一日一樣, 六點半收竿, 去食飯然後返酒店訓覺.

第四天-
釣具: 筏仔
魚餌: 生蝦, 蝦仁, 蜆肉
都係早上六點叫床, 七點半到魚排, 但是日D魚比前一日更精口, 咪兩咪就唔食, 好難先釣到佢地, 所以收穫比前一日更少, 但都總算有得中....由於是日要回程關係, 所以我地十二點左右就正式收竿, 起哂D魚返上岸食午餐, 然後返酒店小休一陣, 四點左右就開車回程了.

總結:
魚穫 - 估計有60-70斤 (可能更多, 因為我唔識睇)
可能係第一之北上魚排釣魚, 除左有新鮮感外, 釣到比香港多好多既魚, 呢D感覺對我來講係好興奮的, 再加上身邊的朋友都係我師傅同師兄, 學到好多野, 我會學以至用, 希望下次有更好既手勢, 釣到更多既魚啦....再加上成班嘻嘻哈哈飲飲食食幾日, 無憂無慮, 放下自己假, 好輕鬆...好正...仲好想快D到下一次既大假期再去玩過....

唔駛大假期架,星期五晚上,星期日返來咪得囉............................哈哈

唔駛大假期架,星期五晚上,星期日返來咪得囉............................哈哈
1149hf 發表於 2009-4-14 12:44

                               
登錄/註冊後可看大圖

你係咪一齊去先, 你係去, 我又去

每一次上, 我都係好鬼開心架, 有魚又好, 冇魚又好, 都係當自己去一次旅行呀,放鬆放鬆

每一次上, 我都係好鬼開心架, 有魚又好, 冇魚又好, 都係當自己去一次旅行呀,放鬆放鬆
1149hf 發表於 2009-4-14 12:48

                               
登錄/註冊後可看大圖

認同呀, 當放自己假, 好輕鬆, 又好開心....
所以更加想有下一次既旅程

七人車坐十一個人

你都無影到小黑b同小黑媽~~~下次你上到去可能見唔到小黑b的了

嘩, 好多魚, 香港真係冇幾可可以釣到咁......

你係咪一齊去先, 你係去, 我又去
雅比 發表於 2009-4-14 12:48

                               
登錄/註冊後可看大圖

如果唔係好似easter咁...都係星期五去星期日番的

早上六點溫馨叫床...我笑到停悟到呀...{:49_3022:}