戒煙

仲有幾日戒煙就快一個月了....不自覺伸手入褲袋摞煙摞火機的動作也差不多沒做了...
幾個朋友問我點解戒煙....我都答佢地因為貴,食唔起.....又或者答年紀大身體唔好...係朋友就唔好比煙我食...
其實戒煙的真正原因是......我愛我的女人^^
自已吸煙已經廿幾年了....我的另一半認識我時當然我已經吸煙....
當然當你的另一半是非煙民的話....或多或少都會勸過自己戒煙.....
當然在這十幾年裡我都沒理過佢啦
直到今年4月6日佢生日,我心諗今年送乜生日禮物佢好呢,
佢已經講明唔要魚竿或任何釣魚用品了
就佢生日當日自已忽然覺得佢係呢十幾年裡照顧我真係無微不至...
冇要求過我發達,冇要求過我要送乜送物...一有假期就幫我開舖放我去釣魚....
甚至每晚我自顧上網她獨自在做家務也沒多怨言...
咁.....其實,自己成日口話愛佢....但實際自己又做過乜去証明愛佢呢?
其實咁多年裡面...佢最大願望都係屋企人身體健康....
於是我問佢...妳今年生日我戒煙當作妳既生日禮物好唔好...
佢第一反應就係真唔真呀你....你戒得到先講啦,唔好我生日果日就戒,剩係戒果一日就算....
我聽完佢講....自己個心都十五十六....
畢竟自己差不多吸左廿四年煙,而且係每日兩包幾,差不多係一有空檔就會吸...
由其係上網,釣魚時,坐在舖頭發呆時總是煙不離手...
好.....心諗就睇下我有幾愛妳.....
就在佢生日當晚我吸完最後一支存貨後,我把家中的所有煙灰盅全掉了...
第二日番到舖頭第一時間也把煙灰盅掉了....
頭幾日直頭覺得好似世界沒日咁....
大佬呀....
成40歲人,自己已經唔嫖,唔賭,又唔飲酒...食支煙都唔比,你不如摞左我條命好過啦....
冇吸過煙既朋友睇完可能覺得有冇咁誇張呀....
但如果戒煙係易既...我相信好多煙民早早已經戒了...
果種感覺直頭係覺得個人好低落,睇全世界D野都好似唔順睇,D火無啦啦就會扯到上頭....
總之個人就係唔知想點......其實就係想點番支煙....
記得睇過呢度有位師姐篇日誌,大約係講如個女考到第一佢就戒煙.....
當時佢反應係好在個女考唔到....考到都唔知點算....而我當時都鄧師姐一握汗....
但諗諗下,乜囡囡唔係師姐一生最重要,最愛既人咩....
囡囡想媽媽戒煙單純係想媽媽身體健康....但點解我地要有條件先肯去戒呢?
大家就可想而知尼古丁威力有幾大...
我地可以為某人,不加思索,冇條件付出...甚至命都可以比佢,但就係唔可以為左某人或自已戒煙....
ps.(如果師姐有睇到,不妨考慮一下戒煙...我諗一定好多人會支持師姐)

師兄,請繼續努力!!

師兄,請繼續努力!!
naobao 發表於 2009-4-30 03:20

                               
登錄/註冊後可看大圖

多謝鼓勵....戒煙真係好需要身邊既朋友同親人支持

努力呀...........封你做我偶象加學習榜樣

多多努力,C兄, 我哋會默默地支持你,

努力呀...........封你做我偶象加學習榜樣
joesiu 發表於 2009-4-30 04:50

                               
登錄/註冊後可看大圖

多多努力,C兄, 我哋會默默地支持你,
snooker 發表於 2009-4-30 06:38

                               
登錄/註冊後可看大圖

多謝兩位師兄支持

祝c hing戒煙成功

師兄不要放棄,一定要堅持到,好多人撐你,一啖都不要吸,如果唔係前工盡廢

食煙咁貴又對身體5好, 不如張食煙個D錢用來買魚竿/絞, 有空就同最愛一起釣下魚玩樂吓,或是family day, 有魚上釣,有得玩有得食, 正!!  

堅持...堅持....堅持....!
一定成功的!