大埔魚排第二波之以後釣到斑都唔知點算

Part 1
大埔魚排27/05通頂
Dawai 飛龍Hechi2.1改2.4
主2.0腳1.75
大食"腎仔"或叫青背鱸(發音有錯請糾正)
細食生蝦
今晚做節有魚食

Part 2
28/05屋企做節
先蒸大條,一家人邊食講,閒話家常,非常開心.
再蒸細條,食後有人開始講嘢.
大條都無味,細條好食D.第時唔好釣咁大條.
跟着阿媽開始小氣.
事原阿媽己經早一日係街市買左兩條游水斑,魚佬話泰國嚟.
每條$80,早一日買平D.不過細過我釣的.
不過今日阿仔釣返嚟唯有再雪多日.
佢為咗做節餐飯忙咗兩日.錢又用多咗,又無讚賞.
係都要再蒸多一條佢買的食.
之後出事啦.話之前兩條魚完全唔掂.
你一句我一句,又話有泥味,肉有霉,已後唔好再釣斑,釣再都唔好攞返嚟.
最慘係我都係咁想.

啫係話你釣果2條唔好食?.買果2條好食下化?
..睇到我頭都大埋.

恭喜中斑

呢d 經驗我身同感受
係咁架喎 , 最慘就係釣到之後諗住同屋企人分享果種有魚番既喜悅
其實果刻自己已經唔著重條魚咩味 .
食食下就會有人講 , 呢條點點點 , 唔夠佢某年某月某日食果條咁好味 ...
大條又話肉質鞋 ( 斤零 , 兩斤貨色) .
我真係次次食番自己 d 魚獲都好激氣 ...
次次攞左番去都雪係冰箱成個星期先解凍拎黎食 ... 浪費左鮮魚既意義.
所以我而家攞到魚 , 我寧願同班釣友出街食左佢.

agree agree

可能因為佢地唔知香港己经好難釣到靚魚

我以前都試過釣兩條廿幾cm既大花梅頭~
拎返屋企蒸黎食...鞋到咩咁重要無魚味...
勁失望~ 早知放鬼左佢...

之後聽人講~ 唔同魚種有唔同size~

如果你釣果種魚最大條得3xcm既話~
你釣到條近2~30cm既話~ 即係老魚... 老魚既係唔會好食~ 又梅又無魚味~

我覺得幾有道理~ 因為黃腳立一斤裝真係最好味~ 斤半以上就開始唔好食...