與巨物無緣...

今日晚黃見做晒野, 得閒就去拖下, 近近地屋企樓下算數.
去到冇幾耐已經見有條40cm左右追埋黎, 仲追左兩次, 但都唔肯食餌, 激鬼氣....
繼續掃, 行左大半條石泊, 去到一個石口比較靚既位...
舊舊石有餐檯甘大, 仲要砌到好似簷蓬甘, 實有魚啦卦.
一下long cast之後, 慢慢拖, 隻Yo-Zuri Tobimaru假餌傳出一下一下震盪, 突然間, 實左!
果下感覺, 只係似勾中垃圾, 並唔係一般紅鈾既爆炸一擊...
如是我下意識一舉, 點知會郁既!?
大力抽多兩野, 吸取之前甩魚既教訓, set hook要狠!
條魚開尾走啦, 依個時候係我第一次見自己支竿可以彎到甘低!
隻攪100% full drag, 仲要出左兩三野!
好彩角度夠高, 支竿又夠長, 斜斜地打橫頂, 控制個魚頭向出, 比佢爆極都只係向出爆.
死頂左幾秒, 開始肯停啦, 車輪手甘收, 返到腳邊, 一睇, 嘩! 60cm級!
埋到黎, 嘗試彈上水, 太重, 唔得添...釣位太高, 落grip又唔得

好! 就似上次條6lb斑甘, 手執魚絲"淫"上黎!
一抽, 魚頭離水, 佢左右擺, 甩左!!! FUxK!!!!!
我當時既大叫, 好肯定對面岸都聽倒...
收拾心情後, 向前再繼續掃, 突然間又有口!
今似細條D, 正想舉竿碌佢返黎, 點知...又甩!? FUxK!!!
心情低落到極點, 回到起點, 拖返之前既位, 乜都冇....
好啦, 換過隻lure, 繼續向前行, 拖返之前冇去既位.
天黑啦, 想cast多兩槍就閃, 就係一個淺場, 睇住隻lure游過, 突然一個銀影劃過, 中左!
見係銀色, 仲估係seabass, 一彈上水, 紅鈾黎wor!
睇住佢變色, 終於變返紅色啦.

度一度, 44cm, 唔算大, 但都打破之前中既魚仔紀錄, 條氣順返D


影相後快快放生, 希望佢長大成為下條60cm級.

多謝放生

可惜呀-3-""
唔通要帶撈箕="=""??

唔緊要啦 ,下次再去報仇囉 ~~~

你暫時同d 大物冇乜緣喎

very good job!!

可惜呀-3-""
唔通要帶撈箕="=""??
kitkit127 發表於 2009-6-1 22:19

                               
登錄/註冊後可看大圖

帶撈箕行石泊好論盡, 唔會考慮啦...
依D野整定.....所以我都係同巨物無緣架啦...

你暫時同d 大物冇乜緣喎
黑雲 發表於 2009-6-1 22:51

                               
登錄/註冊後可看大圖

一步步上緊架啦, 3xcm 到 4xcm, 希望下次5xcm啦

下次帶埋我去,等我幫你啦~~~~~~~

恭喜曬師兄先!
吸引今次經驗!下次繼續努力!!!加油!!!