大家好,
最新一期截至2009年7月20日為止有關香港魚樂網意見反映及日常運作管理統一處理工作報告如下:
2009年7月18日晚至2009年7月19日中午關網安排原因
事原當晚係有網友發表一份包含甚多粗言穢語內容的帖子,原因動機就無需研究,為何有問題亦唔會此處再解釋,小弟都自問並不係太遲先發現及作出處理,但原來本網係有十分多熱心網友無時無刻對本網一舉一動任何差錯都十分關心,坦白講...我並不係陰謀論者,亦唔會花時間去做任何無謂猜度,任何人士給我的意見或投訴也好,我已經唔會浪費時間去估其身份,只要講嘅係事實及值得參考,本網就會認真處理!!可以講當晚關一關網,係因我要花點時間去查一查部份內容,當然小弟言語間亦有點激動,對於影響到嘅網友,十分抱歉!!
呢D情況上,網上世界根本不可避免,我亦不可能要求自己做個完美超人,唯有細節盡量配合需要而調整,但大原則(公平公開,拒絕特權,拒絕小圈子行為)係更加不會改變!!
本網亦絕對歡迎各位人士繼續監察本網服務,繼續對本網服務提供坦率意見,繼續對本網所謂嘅大原則提出你嘅見解!!
各版帖子高亮及置頂安排
有網友曾查詢關於本網工作人員對於帖子嘅高亮及置頂安排準則係如何,亦對一些現象有微言,我十分明白呢D並唔係投訴,最大問題係本網無將準則公報俾大家知道,所以會引起一些網友誤會,亦引起一些不公平情況猜度,黎緊將製訂一份清晰"魚樂網管理人員守則及指引"此部份嘅內容亦會涵蓋在內!!
日常管理運作涉及範圍說明
有部份網友可能對網站系統不太熟悉,導致幾常有誤會情況出現,本人亦曾收到不少查詢...例如為何禁止進入網站...為何不斷有信息提醒監控網友資料等
首先我希望各位請花少少時間留意一吓,網站有時係需要做維護或更新系統工作,有時係會因管理需要而暫時關網,此種情況並不係針對某人,只係工作需要,請勿多心自擾及多留意頁面提示!!如因違規禁言係不會影響訪問網站!!
版主權限及管理原則說明
此部份我要先作小小聲明,原則上本網所有幫忙做管理工作的工作人員係不會享有任何特殊權限,所受對待亦不會超越本網守則所限,工作人員只係擁有本網給予的管理權限,而且亦係按一D守則去做事,但日常處理過程難免會有誤會情況,始終盡量將事情公開及透明化先係上策,最新版本的"魚樂網管理人員守則及指引"我亦開始製訂初稿,當經本網正式通過後會對內及對外同步發表,供大家參考!!
關於釣魚技術討論問題
雖然小弟釣技水皮,亦曾有網友私下PM請教,本網原則係想貫徹分享精神,所以有關釣技討論,我本人建議應返回帖內討論比較好,亦可以讓多人參與交流,此問題將會收納於版主討論內的議程及管理注意事項之一!!
版主是否需要定時提交工作報告及安排問題
有網友曾問過此問題,我需先與本網版主手足們另開專帖傾傾,如有任何新安排,本網會第一時間向各位公報交待!!
發現瀏覽魚樂網出現問題
最近本人及網友都發現,網站會有突然短時間不能進入情況"HTTP Error 500 - Internal server error",暫時黎睇,情況未算嚴重,如你有遇到相同情況,請刷新頁面功能試試或隔段短時間再進入網站,我會盡力了事一吓問題及盡快提供解決方法!!
報告完畢,感謝各位閱讀!!
naobao 2009/07/20
特別聲明 :有關各網友釣友從任何途徑(包括...站內短信,電郵或現場會面)向本網任何管理人員提供及反映任何意見或投訴,本網處理原則絕對不會向其他人透露有關人士身份及內容作出任何無謂猜度,但我們十分明白,網上世界真真假假甚難分辨,但原因上我們只會對事不對人,亦不會花時間去研究係真正出自何人!!
|
提升卡
置頂卡
沉默卡
喧囂卡
變色卡
千斤頂
顯身卡
樓主
...你收到??
