石澳星鱸兩小時瘋狂開餐日

餐廳 : 石澳後灘左邊石位   
瘋狂開餐時間 : 12~2pm   
餐單: 原隻糖醃蝦仁
餐具: 兩個人每人一支12尺手竿 8 lb絲

開餐經過 : 10am點開始釣,已經非常密口,有石蚌,哨牙妹,大雞泡,白毛仔( 平均手板size),石剎,手竿作賽一路有魚咬都過足手引. 到12點正左右,晒到正,又熱,突然好似唔見晒d魚仔咬野,好朋友突然大叫救命,原來一睇魚影,銀白色係咁打水,竿頭係咁衝落個海,好朋友平生第一次中大野,發曬力舉都舉唔支支竿,一路死頂,頂左兩分鍾,又驚佢過石,終於條魚冇力,又唔可以直接彈條魚上岸, 唯有濕腳落水"的"佢上水, 哈哈哈, 2斤有多星鱸上水, yeah~~!!

因為入去之前收到風話大浪灣前一日有人起左一擔星鱸,心里即刻盤算唔通今日即刻到我地??? 亳不猶疑,原隻蝦仁即刻dum一聲就飛出腳邊,冇錯, 真係腳邊, 10尺水都唔夠, 一落都唔使10秒, 一定竿頭飲水,爽呀~~~!!! 就係咁,一落一定中,係一定中,每條魚再玩番半分鍾就上水,自己都釣到驚,佢地真係好似搶錢咁搶, 斤頭,斤半,2 斤星鱸一條又一條咁上, 可惜每條上水既星爐都入扣入到實一實, 搞到每釣一條就要用個鉗隊入佢地個口夾硬拎返個hook出黎.we've waste so many time in this step .如果唔係可能上得仲密手.

到兩點, 佢地好似食飽左咁, 即刻一條都唔見曬, 好野, 收工~! 拎住17條total成廿斤魚出去石澳派晒比D租沙灘遮既婆婆同嬸嬸,,d魚搶完一輪而家就輪到d人搶番一輪 , 個個笑都見牙唔見眼, 見到人開心, 我地兩個都勁開心,開開心心過左手1都軟埋既一day

恭喜師兄
但係你post錯版喇

咁多盧，引死人咩

利害，咁多星，你ｄ魚獲多到好似去左魚場咁！

恭喜你~ 好精彩既文章~
見到你笑得咁開心就知一定好好玩~
d貪得無厭既大嬏一定愛死你~

放生魚嚟嫁....
希望唔好要太多"
但不知者罪, 點都恭喜你!!

師兄,下次去呢d位穿返對磯鞋好d,見到你對鞋凳你牙煙,安全第一!玩都玩得開心又放心。

恭喜師兄

恭喜師兄

放生魚?????
真係咖????
點樣分咖???
有冇師兄可妁講解一下呢,thz