各位釣界前輩,
因此帖已失控,粗口滿天飛,如果各位已為人父母,就應當知我講乜,
本網就算不能教人釣魚,亦不可做出如此不堪榜樣,
相信大家火滾之時,亦不會回家打老婆仔女!!
我強調此處係公眾地方,任何言論係一定要向公眾負責,
各位亦係於社會拼搏多時,見多識廣的前輩,
做人做事係要點處理,小弟就無資格多言提意見!!
關帖處理!!
小弟實在唔明白,點解一件如此簡單嘅事,會演變成咁嘅結果??
人係咪就天生喜歡將簡單事情複習化??
今晚,PMFISH前輩PM小弟,起初小弟根本不明佢內容所指...
入黎睇完,先知道係呢件事,
我亦都回覆左我會於帖內回應,回覆的PM內容,小弟當然唔會透露,
坦白講,UNCLE回帖的內容,只係一個建議,原文如下:
各位超級老友,
此帖不經不覺已吹水至5800 多帖, 有見其它吹水帖上限 5000。本人亦希望大家能早日另開新帖, 另選樓主, 繼續吹水, 唔知大家點睇!
Uncle 字
按一般人理解,以上一段文字,無針對,無偏幫,亦無用網站守則打壓各位,
為何會遭受如此反應??
為何要遭受近音粗口侮辱??
為何要遭受出言不遜的圍攻??
為何一句各位不喜歡聽的說話就給駡到體無完膚??
相信本網任何一位網友睇過,都唔會認為有如此嚴重問題,
如果係因早前的矛盾衝突,實屬不幸,以下我亦會對早前的事件,作出一點回應,
希望令本網各位網友理解事件因由及始未,
自古水上扒龍舟,陸上有人見,我選擇帖內直接回應就係為事情說個明白,
此處我只對早前定下吹水帖5000帖的要求,作一個說明,注意...係說明,並唔係解釋!!
有留意過其他吹水帖的網友,亦都知道此安排,唔知嘅,無問題,原因好簡單,我詳細講一次,
曾有意見俾我,帖太長好難追...可唔可以定個帖數限制??
樓主出帖,有人回帖會加魅力分數,有其他網友詢問點解佢個帖無人回,咁咪好唔公平??全部自己友玩晒??
平常都有人對本網所謂小圈子,諸多批評,有興趣知隨便入伸投訴版睇吓就得...
而且我亦希望以人帶人的方式,增加各吹水帖參與者,
作為網主的我,聽到意見就一定要處理及盡量滿足合理要求,
應用公平及擴闊方式,令大家都可以開心參與,定個上限,我覺得有何不可??
事實上,此安排亦未於於守則訂明....點解??
第一,小弟都要睇睇反應如何,先前其他吹水帖的樓主,我係有預先PM聯繫過商談,呢個係事實,
第二,小弟近期實在受網站系統困擾,要花十分多時間處理,如有遺漏安排不當,敬請各位釣界前輩多多包涵!!
坦白講,各位釣界前輩對於此事的反應,都係因為提議者係UNCLE之故,詳情係點,容後再談,
一件芝麻綠豆小事,要渲染擴大,何其容易,不過發生喺我地身上,何其悲哀!!
當對一個人有意見,佢做任何事,講任何說話,你都會覺得佢有問題,
呢番說話唔係我講,係去年有人覺得我針對某人而對我講,
小弟自問都不能夠,絕對客觀去睇人睇事,
所以,我都不祈求三言兩語就可以令各位釣界前輩客觀體諒,
不過站在公平交待角度上,我係有責任出黎講兩句!!
為左唔想再將問題惡化,亦唔想再令其他網友,有不知有乜野事發生之感,
而且矛盾存在,單單打打言論,無日無之,對大家,對網站,對小弟,都無好處,
演變成咁...我諗我有責任將事件始末說明一吓....但我強調,事件都係芝麻綠豆小事...
事緣係因本網美雪版主,早前(因已刪帖,時間我已忘記)曾出一吹水帖...標題係"老友同學會",
不過,因帖內註明有一同學會名單及帖內註明用於朋友間約局約腳,
因我覺得可能有問題,當日中午,小弟已第一時間PM通知及希望可以第一時間電話商談,
可惜,當日已有人向我反映問題,為何自己出帖約腳就遭受刪帖處理,
我個人處事原則,係完全唔會理會係邊個人提意見,
只要理據成立,我就一定會處理,亦唔會理會,誰人跟誰人有過節,誰人跟誰人有任何關係,
應該係午飯後時間,我就於帖內回覆,談及有人向我反映左小小意見,
言詞係絕對有禮貌及合情理,只係希望作出小修改,亦絕無打壓成份在內,
之後一段時間後,美雪前輩就帖內回應小弟,內容大意係...
佢強烈反應,不可接受一個字的修改,否則馬上刪帖及即時離任版主職務,
我個人只覺,是否睇得問題太嚴重呢??是否任何人一句意見都不可提呢??
到左晚上時間,小弟終於收到,美雪前輩來電,當然前輩之反應,何其巨大,大興問罪之師,
為何版主不可甚麼甚麼特權...亦多番追問,是否為某某投訴...
小弟當晚亦細心解釋前因後果,亦請不要多心,清楚說明管理網站之難,
到最後,美雪前輩接受將約局約腳等字眼及佢與我之回帖刪除,
不過強調不可刪除或修改"同學會名單"一個字,
小弟,對於此一點就算了,如無其他人提起亦不打算理會,
如有人要再講,就到時再處理了...事件亦告一段落...
談話之間,小弟亦有問起,如有需要,小弟可以為各釣界前輩另開一個私家獨立版區,
方便各位前輩聯繫之用,呢個係鐵一般的事實!!
此點亦係小弟對各前輩的一點尊重及關注各位需要!!
因小弟深覺是否大家對版主應有嘅權限有所不明,或未有共識,
所以引起此小誤會....
所以我於2009-7-22 03:49"版主工作室"內,出左一編名為"2009/07/22管理工作討論"的帖子,
此帖裡面,無錯其中一個議題係針對上述事件而提出,
當然,如多心者係可以理解為針對美雪小姐而出,
亦可以將小弟帖內的片言隻字當作針對美雪小姐身邊各位老友,釣界前輩...等等...
實情係如何,請各位自己分辨...
到左2009-8-3 02:27,當時UNCLE與我於超版工作室內正商談制定"管理人員工作指引"一事,
其間,UNCLE向我提起要求要將"老友同學會"一帖解除高亮及置頂,
大意係佢都收到一些意見,小弟的回應係,請佢與美雪前輩商談商談,
小弟亦建議不如一同傾傾刪除帖內同學會名單,
小弟亦因為網站不兼容IE問題攪死...所以不再多加理會,
到左某一日,有網友詢問我為何不見了"老友同學會"一帖,
我亦回答不知道,不過估計可能係UNCLE應與美雪前輩傾談過導致對方不歡關係,
當日下午,有師兄亦與小弟通電話談起此事,
亦有向我提及睇過由美雪前輩轉寄俾佢,由UNCLE發出之PM,
之後小弟亦睇過,內容大意都係一個通知型式的內容,
小弟個人感覺,最大問題係UNCLE用詞方面較直接及欠缺婉轉,
相信亦係呢個原因得罪了美雪前輩,
雖然我覺得呢件係小事,不過...如果被理解為天大事情,我亦無可奈何,
小弟亦有向能解畫的網友,盡量解釋事件係對事並不係對人,
請各位釣界前輩不要向壞方向聯想,亦請盡量用持平角度去睇,
我亦說明左,小弟一向以尊重為出發看待各位前輩,
以往各位的閒聊吹水帖,小弟從來亦未有講過一個字意見,呢個亦係鐵一般事實!!
當然,我不能用己之標準去要求任何人,
有人睇事物較固執,有人重情義,有人鐵一樣性格都無問題,
對不同人亦有不同標準,一時的反應亦不是大問題,
事件之後,不同人亦向小弟反映不同意見,
有人批評小弟出爾反爾,為何之前已承諾可以妥協,
依家又叫Uncle出手對付,
有人覺得為何處理網站規矩咁執著,
有人覺得不應因一些不知是何人的虛擬網友得失網中手足,
有人批評為何UNCLE處事咁不懂轉灣,
從來都係處於管理位置係不討好,
各位釣界前輩都係人生經驗豐富人士,為何不試試換個角度睇睇呢??
到左2009-8-9 21:32由PMFISH前輩開了此帖,
其實大家都明白此帖都係因為美雪前輩之前一事而出,
雖然內裡不乏有點發洩聲音,亦有點針對UNCLE的說話,
不過正如小弟所講,始終都係芝麻綠豆小事,
要講咪就講兩句囉,無傷大雅,只要不做得太難睇就可以,
我亦親身致電Uncle多次希望作出忍讓,
小弟有甚多事情要做,亦無暇再理會!!風雨事件本應結束,
小弟於08-10 15:03發表了一編名為"抱歉,妳只是個妓女"的日誌,
內容只係談及對本港少女授交的睇法,竟然被誤導為對美雪前輩的影射批評,
為何有如此關聯想法,據我所知...內裡還有玄機的,
據知係有一次相關人士聚會,
由受害者美雪前輩向一眾人士透露遭受電話短信恐嚇,
內容涉及以妓女等名詞指罵,據知係有電話號碼記錄的,
小弟實在不明白,為何不報警??為何不查清楚??
當然每個人都有權利去幻想是何人在迫害自己,
十多歲的少女有如此幼稚想法不足為奇...但...
"正常"成年人不是應該將事情攪清楚嗎??
難道是在自編自導自演??難道...
小弟對於此種種說法想法做法,係覺得係極其嚴重不負責任的做法,
不單係侮辱朋友,侮辱自己,侮辱本人!!
作為一個思想成熟人士,絕對不應講出如此不負責任說話,
所以小弟於08-20 14:59出了一編"本人最嚴重聲明"的日誌,以正視聽,
人生雖然係好平淡無聊,不過千萬不要將無聊事情無聊化,
不要將一D簡單日常管理過程,大事渲染,
不要用陰謀論去睇簡單之事,
不要事事將他人睇法,意見,當作迫害手段,
千其唔好覺得小弟係與UNCLE聯手打壓美雪前輩,不要將幻想世界當真!!
如對任何人管理手法有意見,係歡迎批評,
無人係高高在上的,就算我係網主,一樣歡迎有根有據的批評,
若係思想成熟的,何不客觀睇吓事件始末??
其實整件事,除左UNCLE用左無咁婉轉方式要求美雪前輩,
將佢早前帖子取消高亮及名單之外,
小弟真係睇唔到UNCLE有乜野得罪各位??有乜深仇大恨??
如果只因上述原因令到各位條氣唔順,無所謂...我代表向各位釣界前輩致歉!!
至於小弟編日誌問題事件,好對唔住,因小弟覺得完全係對本人抹黑,
本人亦只純對社會現象表達意見,所以我堅持本人係無問題!!
香港魚樂網,係會盡量滿足各位網友需求,
小弟亦願意事事先行出第一步,人,但世事總有不盡如意之處,
不過...無規矩不成方圓,管理網站如是,管理公司如是,管理自己亦如是...
套用我常說的話.........
今天你覺得不高興而離開,他朝你覺得需要而回來,亦無任歡迎!!
此帖其實本來吹唔吹落去,無乜所謂,可惜已經變左質,
如接受UNCLE提議,咪開新帖,等其他人賺d魅力分囉,
或者可以接手下回合的現有吹水帖,
只要不違規就可以,當然...如果任何一位管理人員發現有問題,
善意提醒,亦希望大家客觀接受!!
最後我提醒各位,小弟已於守則講明,本網係絕對不歡迎任何單打及近音粗口攻擊他人言論,
小弟及Uncle於此段長時間內盡了最大的忍讓,請各位勿再於分享版區發洩個人不滿,
如有任何知情人士認為以上回帖內容係有刻意抹黑,失實,
或有任何其他內情,玄機,違法行為,導致本事件發生,
歡迎到"伸訴版"發帖伸訴,不過請一定要留意置頂版規!!小弟會親自解答!!
或覺事態嚴重者可考慮報警求助,本人及本網站一定盡力協助調查. |
[複製鏈接]
顯身卡
