PE與線杯的微妙關係...

玩咗餌木釣都有一段日子,最近發現咗個問題,想各師兄一切討論一吓.
從網上及雜誌中經常有關於PE線的討論,
亦都從實戰中發覺,幼的PE線真係比粗絲好用及好操控,
而且大尾魷的爆發力相對比魚低,最重要係小弟好少釣到大嘢,
所以由初學用一号,後來轉用零八,到最近已經用緊零六...
其實各位師兄又對粗絲同幼絲有何睇法呢?
我選擇0.6係因為係大風嘅時候作釣風阻比較低,
就算海面有比較大嘅面流的時候,(例如左至右or右至左)
只要勤力控綫,係不難去保持直線,呢點我覺得幾重要,
試想吓如果PE係海面上長時間處於C形,就算你如何努力揮杆,
但傳到落餌木時可能同打尿震分別不大了...

慢慢發現咗另一個問題,真係想請教咁多位師兄,
小弟用緊嘅係S牌嘅2500s杯,隻杯原裝係1号打150M,
所以無論係用零八or零六都要打墊底,
咁理論上,用1000s或者1500s都應該足夠啦,
何況重輕啲,但我發現好大部分嘅S牌大尾魷攪都係2500s起錶,
甚至3000s都有,就算D牌都係已2506為主,不論平貴...
因為想買隻新款(cl4料果啲),但又唔知應該如何入手?
怕信錯咗自己買咗隻細攪整到成條杆嘅平衡錯曬...
大家有咩意見?

深灣仔釣獲...
另一次係三星灣笩仔單鈎中,一到水面著turbo,頭蕊都斷賣......

据小弟所知...
Fit魷D鮫好多時都用淺杯架Bor...
好似S牌隻C3000S咁...
佢1號PE都係打得110M架咋...

有錯唔好打面...

慢慢發現咗另一個問題,真係想請教咁多位師兄,
小弟用緊嘅係S牌嘅2500s杯,隻杯原裝係1号打150M,
所以無論係用零八or零六都要打墊底,
咁理論上,用1000s或者1500s都應該足夠啦,
何況重輕啲,但我發現好大部分嘅S牌大尾魷攪都係2500s起錶,
甚至3000s都有,就算D牌都係已2506為主,不論平貴...
龐樣印 發表於 2009-8-18 06:44

                               
登錄/註冊後可看大圖

竿嘅平衡, 係冇一定嘅.. 當然只係在乎於慣唔慣..
從字裡行間, 睇得出師兄都好比心機鑽研餌木釣..
就你提出嘅絞大細問題...
不妨由杯嘅直徑大小去考慮吓.. 相信不難搵到答案..
絲打得多與少.. 市面上都有好多180m or 200m 嘅絲賣嘅..
係唔係一定要打底絲呢?? 至於我自己覺得, 都已經係淺杯,
就算唔打, 都影響不大...

除了杆嘅平衡,還有追絲速度問題.........慢慢研究下...

杯既直徑影響拋投,追絲速度

淺杯因為fit魷通常都係用幼絲
如果用深杯
打太多填滿隻杯d絲又用唔晒
太少又影響拋投,影響觀感

鮫既重量當然越輕越好
正如荷包既錢一定係越多越好,無人會嫌錢多

都唔一定係愈輕愈好，但講平衡，如果隻絞太輕，支竿上左絞後重心偏前，用起來反而更易攰呢。

呢個相信係廠方唔造太細隻絞的原因之一。另外就係絞細，相對杯的軸心會細左，收線慢左，線亦易左起Q ( 雖然呢點係 pe 上唔明顯 )

所以廠方寧願做大絞淺杯去就用幼線，都唔想做太細隻絞。

師兄有冇諗過追絲方面呢????如果1000鮫真係收到手都斷.......同埋一般魷竿我都覺得係夾2500鮫個平衡最好......

不愧為「香港第一位釣魚運動資訊網站★」,
多謝各位師兄提點,綜合大家嘅意見,我發覺到幾個重點,
S牌新舊款淺杯容量不一,已我用緊嘅舊款'穿power'為例,
2500s一号可以打140M,但新款就只能夠打110M,
咁打零八已經係標準,用零六打墊底只不過係完美主意,
使用上分別不大.
更重要係我真係忽略咗拋投係餌木釣中嘅靈魂,由其岸釣,
能否到達標點相信會直接影响釣果.
成日都講,釣到都未必攞到,係石ロ滿佈嘅釣場,
追絲速度就係勝負關鍵,又或者真係嘅好彩,
一掟~一沈~一揪就中,往往在四五十呎開外,
如果用1000s嘅攪,不坊叫同行釣友煲定滾水,
收到返黎剛剛水滾,白灼一流...



再次多謝大家嘅回覆,無你地嘅意見,相信我重ar緊頭...

CHING D牌有2千杯呀