風雨飄搖之鴨記荔枝行

日期:30/06~01/07
地點:香港鴨仔塘
人物:小小強,宮本,肥仔,肥業 (澳門) ,華仔,華老二,細路仔,亞濤,鬧爆叔 (香港)
釣法:軟虫釣,即吃釣,生餌沉底釣

    30/06下午澳門代表團抵達了香港,接船的有華仔,我們一行先前往各大釣具店購物,之後匯合細路仔,亞濤一同前往鴨記,今次行程鴨仔我們只係當作熱身,戲肉係01/07由香港魚樂網楂fit人鬧爆叔帶領的fit魷團...諗起都開心!!!
       抵達鴨仔已經係旁晚19h00許,各人立即開好架生釣魚去!!!軟虫釣法,配以e字牌軟虫始終都係魚場得食配方....8kg盲鬼先上!!!又一個人魚場記錄,眾人都玩得不亦樂乎,第一次黎鴨仔玩的肥業十分雀躍.
       由於凌晨時份狂風暴雨,眾人均一時退出前線紛紛走去避雨,隨後雨勢無咁大時再作戰....凌晨時份軟野無就餌情況,我們就轉玩即吃,生餌沉底釣....釣況不錯
     清晨時份又係大星星出動時候....佢地依然喜歡生餌沉底釣法,眾人密密手中魚....本次晨水本人慘被連割三次,jh勾都直埋....鴨仔巨野唔係講笑架!!!!
        晨早接過鬧爆叔電話稱由於天氣極不穩定因此fit魷團取消了....爆叔相約飲茶,我們出發前先得波嬸(鴨記事頭婆)同意下,進行一次瘋狂的採摘荔枝行動...即摘即食我都係第一次,成班馬騮仔係咁食係咁食...食到飽才停下手來.
        前往天水圍匯合鬧爆叔飲早茶,由於fit魷團取消了的關係,而我們魚癮未足所以由爆叔帶領下再返鴨仔駁殺.
        當日早水久不久就下著大雨,且魚場人數眾多,可釣的位置不多,是日早上主攻軟虫,但魚訊不多,由於塘頭已被一眾磯釣友進駐了,所以轉玩塘尾...中層慢拖軟野主攻黃立倉...雖魚訊多但魚體不大且吐餌很快,因此上魚不算多....
       19h00收竿離場返澳

特別鳴謝香港釣友的照顧,以及鬧爆叔的熱情款待,十分感謝

...

[ 本帖最後由 小小強 於 2007-7-2 13:24 編輯 ]

好大雨呀...我又冇雨衣,搞到冇得釣

有大魚中,有荔枝吃,仲食埋波記撚手飯菜,下次黎叫波記預留蝦,蟹好正好正
一手嫁,外邊食唔到

爆叔：做乜有局唔預埋我？

好抱歉大大.......昨日無如期出法, 請見諒!

超恐怖巨型盲鬼....

原帖由 浦克 於 2007-7-2 21:13 發表

                               
登錄/註冊後可看大圖

好抱歉大大.......昨日無如期出法, 請見諒!

無辦法啦咁既天氣...下次fit魷我要你教我架

今次好高興認識咁多位港澳朋友就真,
對於了小小強你地幾位澳門釣友我更加佩服,
從與你地傾談之中,了解到澳門釣魚環境不比香港,
但見你地釣魚嘅熱情仲係非常非常熾熱
波叔D荔枝真係幾正,可惜我唔食,唔係釣完仲可以攞返幾斤
下次過黎有局通知聲喇,有時間一定再一齊玩!!

原帖由 kk.kk 於 2007-7-2 19:13 發表

                               
登錄/註冊後可看大圖

爆叔：做乜有局唔預埋我？

呢個都係臨時局