7-7-07 去玩魷仔(放生手法有問題)

今日又去左玩魷仔，初時好疏口下，去到5點開始黎料，有隻似樣d 既抱餌木，影完相放生，全日都有7-8隻玩下，可惜最大一隻放佢落水後遲遲唔見佢游走，最後俾出船釣魚的人在水面撈走左。

今日遇到個問題，要向浦克大大或各c兄請教下:
點解我經常釣完放生時，將d 魷仔輕放於水中，佢地唔會即時游走，有時要2-4分鐘先慢慢回氣游走，甚至好似今日咁，佢浮起水面好耐，俾其他釣友釣番上黎(影相過程只 1-2分鐘多，自問對牠冇造成大傷害)。

反之我在碼頭高位(約2米高)地方將魷魚拋回水中，佢會即時游走。
朋友指在高處將牠拋下反而可即時將氧氣及水打入牠身體中，有助牠噴射游走，不知是否正確

因不想再好似今日咁，放生變成放死，希望有c 兄可教下正確的放生方法。

原帖由 白賴人 於 2007-7-7 21:42 發表

                               
登錄/註冊後可看大圖

朋友指在高處將牠拋下反而可即時將氧氣及水打入牠身體中，有助牠噴射游走，不知是否正確

不正確!!
高處將魷拋下會對佢造成撞擊,好Q易死!!
放魷應該近水慢慢放

c兄其實D魷好E死,你啲上水可能整傷啲魷條頸
下次高位大條D落網,唔好啲就好DD

原帖由 O.S.YUEN 於 2007-7-8 10:41 發表

                               
登錄/註冊後可看大圖

c兄其實D魷好E死,你啲上水可能整傷啲魷條頸
下次高位大條D落網,唔好啲就好DD

thx ，c 兄係指用網將佢放番落海 可惜近期好少帶網，因大部份好細隻，但下次我會試下

喺起同放都用網

你所指既我地一般所講既上氣或入氣情況, 始終係海岸生物, 離水後都會出現已上情況, 其實如果放落水後有呢d情況, 最好用撈基幫一幫佢, 咁佢就會好快無野, 其實最好係餌木釣既時候, 身邊唔好有果d無謂人係度就最好...........

放生好事呀﹗我既心得：釣上黎個陣咪有d水係個身入面『浪』下『浪』下咁既？下次試下唔好倒左佢入面d水出黎同埋快手快腳影完就放，佢就識得沈咖喇~~~

我既放妖方法

http://www.youtube.com/watch?v=2oyocuOWx5c

你覺得佢有返咁上下份量既都唔好用以上既放法，因為如果佢太大隻咁樣做會扯裂左佢背面頭同身之間個尖尖下面個連接位咖﹗咁樣佢會死咖……點解我會知!?因為我試過嘛……

原帖由 浦克 於 2007-7-8 22:48 發表

                               
登錄/註冊後可看大圖

你所指既我地一般所講既上氣或入氣情況, 始終係海岸生物, 離水後都會出現已上情況, 其實如果放落水後有呢d情況, 最好用撈基幫一幫佢, 咁佢就會好快無野, 其實最好係餌木釣既時候, 身邊唔好有果d無謂人係度就最好.... ...

哈哈......c 兄講得啱，其實好多岸上釣友見人放生都唔會蓄意釣番佢上黎(即使隻魷飄到佢前面)，係真係有d 人，唉 仲要俾我認得係某釣具店既老闆or 負責人

Also, don't put on the floor too long because the floor will get too hot in this weather.