異靈壹靈之"驚嚇的開場

2010新開始！諗住努力去釣魚！點知...
1號上魚排受驚嚇，問晒所有同行釣友，2號有無人得閒上排釣通宵...結果無人肯同我去！唯有自己上！
點知2號朝RGiggs叫打夜魚，見天氣麻麻地，咁就去打魚算啦，結果再度受驚嚇！
3號起身見個天晴番！食埋午餐、執埋架生！自己出發魚排通宵戰！
5點上到排，先來玩波仔...一落即有魚攪！有無咁好景呀？
依...食到唔識停，都知大檸樂！釣兩條轉位再落...又釣兩條又再轉位...
5點跑到11點幾...跑均全場佢都跟到實！
所以話：千其唔好睇少老人家！踢波踢足6個鐘，不停不休跟到你實！結果幾拾老坑一齊請我食蛋！飽晒！
飽到頂唔順，唯有轉前打架生打鑊佢，周圍巡下...唉...都仲係佢！
巡巡下電話嚮，放低支竿聽電話先，原來"豬朋"打尼問我..阿"狗友"幾號電話...
就係依個時候支竿被拉郁，當係老坑唔理佢！講埋"狗友"個電話號碼比"豬朋"聽先！
號碼都未講完，竿頭再被拉到飲水！一揪竿...有d力水喎！
立即同阿"豬朋"講話收線先，要起魚，等一陣再打過尼啦！
胡董小玉柄正式開光啦！39cm肥沙一條！點解d魚咁鍾意吼你講電話時食餌架！但咁都好唔駛食蛋！
1月1日上魚排去搵立同烏頭，第一條釣獲係...泥孟！
1月2日去搵屎，第一條、亦係唯一釣獲係...油追！
1月3日再上魚排去搵立同烏頭，第一條釣獲係...坑廉！
3日釣左3種驚嚇開場魚！咁下次會釣到乜魚先呢？

都好吖,嚇出個驚喜來!

嘩, 立呀
幾時帶我去打魚呀

咁你係筏仔定係前打呀!!!!!!!  ???????????  !!!!!!

咁你係筏仔定係前打呀!!!!!!!  ???????????  !!!!!!
DriftsinkAngler 發表於 2010-1-5 22:06

                               
登錄/註冊後可看大圖

食飽老坑後轉左架生玩前打....

半夜三更..............你有無睇下後面有無人嫁.....
條黑沙會唔會係後面果個人釣嫁...............

嘩, 立呀
幾時帶我去打魚呀
~flyfly~ 發表於 2010-1-5 22:04

                               
登錄/註冊後可看大圖

"1號上魚排受驚嚇，問晒所有同行釣友，2號有無人得閒上排釣通宵...結果無人肯同我去！"
你都在場喎！

半夜三更..............你有無睇下後面有無人嫁.....
條黑沙會唔會係後面果個人釣嫁............ ...
pippenfan 發表於 2010-1-5 22:11

                               
登錄/註冊後可看大圖

人就得我一個，排主都瞓左！其他就唔知啦！

"1號上魚排受驚嚇，問晒所有同行釣友，2號有無人得閒上排釣通宵...結果無人肯同我去！"
你到在場喎！{:47_ ...
hiu2006 發表於 2010-1-5 22:13

                               
登錄/註冊後可看大圖

我講打魚, 唔係筏仔

見到你個頭像突然諗到,可以帶隻家貓去倍打魚
起碼多兩隻眼幫手睇水喇.....kaka