新手假期釣魚出發前幾問

小弟有支投竿仔20-240,黎緊星期六日想周圍去釣魚
之前聽d阿叔講去碼頭沙灘個d釣d size無咁大既魚用浮波會好d,大家認唔認同呢?
如果我玩浮波
咁想問下邊d浮波會比較多d地方都適合?同埋大家會點樣度個深度黎決定子線set幾長?
釣組應該點set呢?我依家只係識沈底既釣組
最後就係20既竿大約可以釣到幾重既魚?
好似好多問題咁麻煩各位師兄師姐指點指點

小弟有支投竿仔20-240,黎緊星期六日想周圍去釣魚
之前聽d阿叔講去碼頭沙灘個d釣d size無咁大既魚用浮波會好 ...
sonelui 發表於 2010-2-5 13:09

                               
登錄/註冊後可看大圖

其實最主要係你想要什麼....?
如果你係享受過程....
我覺得你玩浮波會沒有任何問題....
如果想要魚獲....
我建議你玩返沉底會穩陣d....
因為浮波並唔係一時三刻就可以學得懂....
而且竿身較硬對操控並不是較有利....

基本上浮波是用線擋來控制深淺度....
另外市面有很多浮波可以購買....
而且分別很多號數....
作用或者一時三刻講唔完....
因為另外要計算浮力值同埋鉺..夾鉛..之類的東西..
作用係將殘存浮力降到最低....
令到魚兒沒有太大頂口的功效....
如果你真係有興趣嘗試浮波....
我個人覺得買個2b來試試看....
當然重要看釣場的環境吧....

見到呢篇文章既時候唔知你出發了沒有....
可能會試左少少....
不過都係度祝你有一個愉快的假期....
另外有一篇文章有師兄介紹了毒魚的品種....
同埋一d帶有攻擊性既魚種....
出發前細心欣賞....
我覺得對新手有很大的幫助....

多謝師兄解答，岩岩釣完番黎，我最後都係玩沉底，因為搵左一d浮波文章都覺得好深奧，今日去左三聖村玩，釣到兩條細魚，聽日會再出發，地點暫時未諗到...毒魚圖鑑已經睇過，所以都有個燒野食既鉗仔

今日魚獲，今日個打水袋終於有用啦，最後走個陣先放生

                               
登錄/註冊後可看大圖

                               
登錄/註冊後可看大圖

                               
登錄/註冊後可看大圖

請問師兄師姐第三張圖係咩魚？
另外個條係石狗公定泥猛？？

咦....本身諗住今晚去三聖玩玩..
不過最終因為懶惰所以冇去到....哈哈

圖三的是梳羅....
另外個條睇得唔太清楚....
不過基本上如果睇到樣既話一定分得到呢....
泥猛同石狗的分別很大....

原來係梳羅，唔該師兄