深船兩大版主crossover假餌部三小福 遠征綠島report!!

( 另加風景相在5樓 )

( 環島風景DV在12樓 )

假餌部三小福同船釣兩版主遠征台灣綠島六日五夜之旅終於完滿落幕，係時間出一出報告喇！以下報告將以日數順時序貼出，相片及短片由版主joesiu後補，一切資料乃為分享，完全無宣傳意味，多謝大家收睇！第一次出帖，資料如有不足／太長氣，請見諒！



DAY 1  香港機場＞高雄機場＞台東火車站＞宿一宵＠綠茵農莊

今日一早由香港機場出發，搭九點鐘飛機到高雄國際機場。CHECK-IN時好彩都唔係太多人，不過我地既炮筒同行李就令到後面既人龍面燶燶，哈……無辦法，紅馬成為左全場之冠，件行李有成31KG，仲比地勤姐姐綁上「HEAVY」及「caution」字樣，而呢個拖喼亦成為呢個行程之中紅馬既超級負擔（詳見往後之報告）。



抵達高雄機場，已經10點半，立即轉乘捷運到高雄火車站，二十分鐘車程，已經筋疲力竭，因為大家都好似擔泥一樣，五個炮筒六年行李仲未計工具箱……如果拎住呢Ｄ野係香港搭地鐵應該比人鬧爆左，好在捷運姐姐好好人屎，仲通融我地拎左支超長炮筒上車添。沿途不下十個台灣人問我地支炮筒「裏面放甚麼哪?」「你們往哪兒去?」唯一唔洗問既係：唔知點解人人都知我地係香港人！







到左高雄火車站，LAIBEN同我一馬當先走去拎來回火車飛（早前已於網上訂票及付款），留番三個人看行李，拎一次車飛，搞到成二十分鐘，又一次體會到香港人做野係何其快手。（其實係我地埋櫃位拎飛，櫃位大叔叫我地去出票機，去到出票機，入晒資料，竟然係無「ENTER」呢一個制，我地又要番轉頭搵大叔，呢個時候大叔都未肯出票比我地，只係帶我地兩個去玩多一次果部神神地既出票機，最後死死地氣留番去櫃位出票比我地……）




拎完火車飛，仲有兩個鐘頭先上車，就去左對面街既「三商巧福」食午餐，食左燉牛肉麵同雞腿飯等套餐，吹一陣水，正式上車！



坐左三個幾鐘火車，用龜速抵達台東火車站，一落車已經有司機同車準備好接我地，連隨返民宿放低家當，天已經開始黑，執執野洗個面，又出去食飯，踩單車到街上，草草食左個便當，我就第一時間返歸沖涼，準備第二日早起去綠島，難得四個男子組成員仲興致勃勃，刷亮青春火花，踩單車走去遊台東，仲去左釣具店睇野同買野。









一日就咁過左，今日都未正式釣魚，主要係交通日，想睇精彩部分請留意下回分解。

有無相睇呀...

好緊張呀，快Ｄ出相同講多Ｄ啦

d相响我度......不過未整理好比d時間我啦

DAY 2
台東富岡碼頭＞綠島
晨吉咁早起身，執好野就到碼頭準備上船。呢一程由台東到綠島既船出名夠拋，好多人都叫我地小心暈船，HEY，試問行駛中既大船又點會令人暈呢？我地一於少理，雄糾糾氣昂昂咁就上去，開船！真係聞名不如見面. 頭五分鐘，拋到阿媽都唔認得，四周一片依哇鬼叫！接下來十分鐘，一片寂靜……跟手就壯觀喇，四處都係嘔吐聲，係出埋聲果隻，大家都好熟手咁自己拎膠袋，嘔，滿左就扎起個袋，拎第二個！Joe 版大更在甲板上目睹"眾人嘔到一地都係" 的奇景兼幫手派膠袋. 而我地五個人之中，就有三個人暈，其中一個仲嘔突左！至於係邊個，哈……你地估下？






到左綠島，入住民宿「頤園」。我地就係係呢度過我地餘下既五日四夜喇。執下野，食麵同滷味做午餐，買麵包飲品等補給，下午兩點出船。




隻船行左半小時已經到達釣點，釣點有40-120M深，四十米既多數係淺場，沙碎石底，釣底物同斑斑，用100-250G鐵板、外星人及 inchiku），而百幾米深既地方，就係人工魚礁區，果度本身水深成千米，政府落左個大約一百米既人工魚礁係半水用黎聚魚，我地就係會JIG呢D地方，又或者魚礁邊皮一Ｄ大CLIFF位。大家落力咁JIG，釣況慘烈，龜氣十足，全日至七點收艇，只上一條DOGTOOTH及一條黃鰭。





不過係船程途中遇上樽鼻海豚群，比起沙巴及峇里見到的野生海豚，更加唔怕人，游到好近我地艇，直頭係伴住我地游咁滯，好大群，好吸引。其中仲有一條海豚幼齒跟住媽媽成條跳出水。


今日釣況一般到極，大家收艇，梳洗一下，去左食烤飛魚同羊肉爐，彌補一下心靈創傷，等明天再搏過。

DAY 3
又係出艇，分兩場。凌晨三點幾起身，四點聚頭，四點半出到碼頭，五點幾出到釣點。大家都好期待晨光水，終於，係微藍既天色底下，爆左呢個TRIP既第一波，大家接連都起左幾條魚仔，多數都係黃鰭同大眼吞拿，食六十到九十米水深都有，根據船家所講，趁未天光，吞拿好多都浮上水搵食，大家好釣多Ｄ，唔係一陣佢落番魚礁底就難搞。爆光咬板時間好短，持久力欠奉，大約四十五分鐘之後，靜鬼晒，接下來時間，釣下底物，玩下外星人，又一晝，上午九點回航，即時蒸左兩條紅條（唔知香港叫咩名！），切左尋晚Ｄ魚做刺身，食個午餐，第一時間返民宿沖涼，訓覺，呢個時候疲倦程度已經係七粒星。






訓完，出去補給，買左Ｄ鹿肉做手信,手信店外的鹿仔.. 成日被縛住.. 陰公.



再出第二次艇，釣三點到七點，都係食晚黃水，一樣係吞拿。天黑前，大家都係JIG空氣……JOESIU同漁痴就玩下底物，有連尖同斑，為大家個胃做足準備。






晚上領隊帶了我們再去食羊肉爐, 仲叫左碟酥炸墨魚標

食落去 d 肉係好林個喎! 一 d 都唔似墨魚肉, 真係又幾好食. 一問之下原來係墨魚的精囊. 呢碟野應該要劏廿幾三十隻大老墨先夠

一日容易又收檔，兩大巨頭版主仲有閒情去浸溫泉，我本來都想去, 話哂綠島溫泉係地球上只有三個海水溫泉之一, 但我地三小福已經攰到不似人形，企係度都訓得著。

d相响我度......不過未整理好比d時間我啦
joesiu 發表於 2010-4-9 11:39 AM

                               
登錄/註冊後可看大圖

二分鐘夠未...

d相响我度......不過未整理好比d時間我啦
joesiu 發表於 2010-4-9 11:39

                               
登錄/註冊後可看大圖

慢手慢腳,典做野架

DAY 4
由於尋日有人早我地半個鍾出艇，就已經釣爆兩個冰箱，令我地知道晨光水係何其重要。我地今早決定兩點幾起身，三點集合，再出！起身時真係「魂不附體」果隻，準備好釣具打算出車到碼頭，傳來艇家消息，出邊吹緊四五八風（最小四級，平均五級，最大八級），湧都唔野少，勸我地不如取消呢一晝行程。去得玩，安全第一（其實眼訓都係好重要既一個因素囉！），就咁，大家就返房叉電，等到下午先出動！其實响你地返房尋夢之時,我哋三個寂寞的心,悄悄地走左去的狗及fit魷,仲目倒一宗狗追雞嘅蓄意謀殺案.




終於有得好好訓一覺，之前平均一日都係訓得四粒鐘，呢次叉電真係有如久旱逢甘露一樣！（雖然，唔知點解，版主JOE爸爸係唔洗訓覺的!佢只要有咖啡同電腦就可以生存!）下午去食個西餐，係海邊吹下風，映下相，再返去執野，準備上船！



今日下午呢場，同尋日一模一樣，又係食晚黃！兩點至六點又係JIG空氣！唔好講咁多，睇下相啦～









晚餐渣車上山食羊肉，之後返寨休息，等明早出發！