又係新手多問@@玩開手排應先轉玩咩好呢?

yes01 · 發表於 14/4/2010 10:07:13

本帖最後由 yes01 於 2010-4-14 10:13 編輯

如題@@希望唔好怪小弟煩
(1) budget就200-300到,釣開個d都唔係咩大魚,10cm-20cm到啦,睇你地講到投釣似岩新手d,,咁幾呎竿會好d呢?磯釣舍賣既59蚊"攪"又夠唔夠用呢?
(2) 投釣既釣組通常會係點既呢?有冇d特別既釣組岩唔同地形咁架?魚絲同勾又買幾號好呢?
(3) 其實lure我就有興趣好多(可能比卡通影響:%11^ ),咁會唔會貴好多同難玩好多(其實之後返工先會夠錢玩:%22^ )?
(4) 手竿其實又係點玩既呢?

仲有d另外問題,:%23^
(5) 點解要分主線同子線既?擰圈又有咩用架?
(6) 如果投竿玩假餌又得唔得架呢?
(7) lure竿,投竿,磯竿,伐竿,船竿...既分別係邊?
(8) 太空豆又有咩用?
希望有人詳細答小弟,萬分感謝

csw5x9 · 發表於 14/4/2010 10:56:08

:%12^ 4至8我來答覆,我有興趣D.

(4) 手竿其實又係點玩既呢?梗係用手玩啦!!(去淡水台釣版找功課)

仲有d另外問題,:%23^
(5) 點解要分主線同子線既?擰圈又有咩用架?如果你只用主線鉤地球時你會整套釣組都會損失.擰圈是連接子線時用,另外可以消化收回魚線的氣.(不停打圈產生氣)
(6) 如果投竿玩假餌又得唔得架呢?魚竿是你的喜歡掂玩都可以.
(7) lure竿,投竿,磯竿,伐竿,船竿...既分別係邊?多些到各版查看文章,可以分別各種竿的分別.
(8) 太空豆又有咩用?相信唔會只是太空專用,地球也可以用o卦!!(它有別名擋豆)是阻擋釣組上配件流失用.

大蚊 · 發表於 14/4/2010 13:05:16

回復 1# yes01

等我又搭下嘴先：

(1) budget就200-300到,釣開個d都唔係咩大魚,10cm-20cm到啦,睇你地講到投釣似岩新手d,,咁幾呎竿會好d呢?磯釣舍賣既59蚊"攪"又夠唔夠用呢?

竿我會建議10呎或以上，不過睇個人喜好啦，感覺上長d既杆比較易拋得遠，但就相對難控制。攪就要睇你用幾號主絲，一般3號都夠，印象中隻攪上到200-300米既絲就好夠玩。

(2) 投釣既釣組通常會係點既呢?有冇d特別既釣組岩唔同地形咁架?魚絲同勾又買幾號好呢?

一般釣組就主絲 -> 中通鉛 -> 擰圈 -> 子絲 ->鈎

(5) 點解要分主線同子線既?擰圈又有咩用架?

子絲要幼過主絲，咁掛底要拉斷絲時，就會斷子絲，可以救番粒鉛。同埋靚既子絲比較耐磨，無咁易比魚咬斷

(8) 太空豆又有咩用?

用黎擋住鈎組，主要磯釣用黎擋住浮波。

最強幻象 · 發表於 14/4/2010 14:05:29

老實講句...你budget得咁少...不如專心玩一樣釣法先...
當你玩多範就要比多一種釣法釣俱既金錢...
如果你想玩lure...咁不如專心買左佢最基本既用品先...
一心二用...只會二頭悟到岸...

巨物 · 發表於 17/4/2010 09:03:52

竿我會建議10呎以上，不過睇個人喜好，感覺上長d比較易拋，但就相對難控制。攪就要睇你用幾號主絲，一般2.5號都夠，隻攪上到150-250米既絲就夠玩。

(2) 投釣既釣組通常會係點既呢?有冇d特別既釣組岩唔同地形咁架?魚絲同勾又買幾號好呢?

一般釣組就主 - 鉛 - 擰圈 - 子 -鈎

(5) 點解要分主線同子線既?擰圈又有咩用架?

子絲要幼過主絲，掛底要拉斷絲時，就會斷子絲，可以救番粒鉛。同埋靚既子絲比較耐磨，無咁易比魚咬斷

偉~ · 發表於 17/4/2010 22:05:58

手絲基本上已經係最容易感應魚訊既釣具....
不過可能你玩開岸釣....
會覺得成日卡到野..而且又唔掉得遠....
感覺上好似冇咩樂趣咁....
其實可以話俾你知..唔係掉得愈遠就愈多魚呢....

我自己覺得艇釣係發揮手絲最大的力量....
有機會同朋友仔坐艇仔出海你就會知道呢....
不過最緊要既係注意安全....
二,三百蚊雖然唔係話玩唔到其他釣法....
不過我怕你玩兩玩會玩返手絲呢....