原帖由 釣魚郎DON 於 2007-8-23 16:12 發表
爆兄..呢幾日我見fly fishing在這裡閙得熱烘烘....我都諗咗幾日..香港地夠竟有乜地方可以鬼佬fly fishing,同埋日本溪流鮎釣....頭都大...因為香港本土無逆流產卵既魚種...所以有溪澗急流既地方都唔會多野...青蛙就很 ...
其實開新版主要目的都係想推廣多D釣法咁解啫,
大家玩開釣魚嘅都知,呢十幾年不同釣法喺香港都有唔錯發展,點解??
其一係香港人好願意試新野,另一個原因就係香港擁有不同釣魚環境,
可以任意俾我地發揮,試諗吓呢個世界有邊個機場外圍係可以釣魚???
咩野玩法都好,最緊要係配合本土環境啫,呢樣野香港人就最叻
釣魚都係一樣,都係講變通!!!
根據呢段短時間了解,其實Fly喺香港都有得玩架,
咸淡水都得,比較受制嘅就只係空間及風嘅影響,
不過都有好多適合釣點嘅可以嘗試!!
至於溪釣,老實講地方唔同,真係各有各玩,
起碼魚種唔同,鱒魚呢種高山溪流魚種已經無喇,
至於日本釣開嘅"鮎魚",香港係有發現架 即係"香魚"
仲係迴遊嘅品種添,呢個品種台灣同日本都好少架,
佢地釣嘅係陸封型嘅品種,即係長大後係唔會遊出大海嘅!!
香港溪河魚其實都仲有唔少,不過係小物居多囉,
係另一種釣味,如果你話釣魚為左食,就緊係無癮喇!! |