5月20日將軍澳艇偷釣釣獲

昨晚臨訓前看今天的天氣預報都係話：「大致密雲，有幾陣驟雨，早上雨勢頗大，有幾陣狂風雷暴」。心諗今天放假的釣魚計劃都係要泡湯……

點知今日十點幾扎起身，拉開窗簾望一望，嘩！整你個制！好天到不得了！ 立即起身整理裝備，極速九秒九落街買沙蝦，駕車直入將軍澳工業村上二匹仔。

到達上到艇已經十一點幾，問問呀老細葉生近排邊樹有景？老細仙人指路：海中浮泡！

到達釣點，今日風平浪靜，天朗氣清，一個非常好的釣魚假期！ 雖然係遲了一點……

今日主要試試新入手的小船竿（Daiwa Deeo 2 TR 20-160）但發覺在港內都係太重火，此竿都係要到西貢外海如果洲等才適用，如果未買的師兄要在港內釣可以不用買住！除試小船竿外，今日都要試試「艇筏」，小弟帶埋枝「精魂」中硬1.3M及筏44。

枝「精魂」都可以到6號鉛，反應都睇到。如是者一路上小絲，大佬呀，我唔要小魚呀！ 小絲隨釣隨放，卒之好心有好報，一連五口上磅裝黑，其中一條都接近斤頭！ 正開心興奮之際，最後一口，真係最後一口！枝筏仔極大反應，一抽，中魚！枝筏仔灣晒弓，我就魚唔夠幾秒，傳來一聲清脆的「扑」一聲！竟然唔係斷頭蕊，係竿腰斷！ 最慘條魚都無埋，都唔知俾什麼魚強姦？ ……是否證明「平野無好」的理論？不得而知……

最後五點幾，除了斷竿外，仲要回家交人，只好回航了。到岸邊交船後，由於小弟無帶冰箱同雪種（因估不到會釣到食用裝的魚，以往到將軍澳不是小魚就是打龜！），魚獲只用膠袋袋住，好在老細呀葉生好好人，送了一塊冰種給小弟！

今次枝「精魂」斷竿，又係有籍口買新竿，請問各位師兄師姐們，那枝較好的筏仔較硬可以重少少鉛作艇釣？可以介紹嗎？多謝了！

艇上用手機影

在艇上無帶相機，用手機影

回家魚前影多張

回家後魚前影多張

慘死的精魂

慘死的精魂

竿腰斷口

竿腰斷口

我都想出海

PROX小船杆(FSK TM 15)在港內用都吾錯架！

請問工業村邊度入去租船o個度？？聽日想去玩下

其實支Daiwa Deeo 2 TR 20-160 港內好OK, 我係機塲艇釣差不多2年都斷過２支笩仔,所以改用佢, 另外而加都有用日新赤武士1.3本先調子艇釣.頭心不太軟,我個人認為較適合艇釣, 因浪湧較大, 頭心太軟個桿先好墜, 純個人意見, 我用支Deeo 2 都係怕撞到D 較大魚。

回復 3# ericmmc32


    枝PROX邊樹有得買呀？ 我試過櫻花枝DX1.3M都好似幾好，有筏仔的釣味 ，唔知邊枝好呢？

回復 4# wingyipw


    我自己車入去，搭車就唔知搭乜，地鐵到唔到？ 地點在將軍澳工業村貿發局對面有條路仔行入去，條路係金門地盤隔離，地盤圍板有雞咁大隻字指示 ，電話我PM你。

回復 5# TML


    師兄你好呀！係呀，枝Daiwa小船竿係最輕火，但如果內灣位，小魚化餌就睇唔到魚訊，只感覺到有小魚啄餌，同埋有浪湧都幾難睇。但我今日枝「慘死精魂」又幾好睇喎D魚訊。

呀，唔記得講講D艇，D艇好新淨，全部兩匹仔，有篷唔怕曬，但就無生倉，要帶生籠，唯一缺點。那處出艇去大廟灣應該幾近，但小弟今日單拖一個人唔敢去咁遠…

回復 6# ivanmark
枝杆由漁毛仔到6.7斤都夠用！