魚具報價板...有感而發的補充...

鬧爆叔，不如加個魚具報價板！由釣友報價釣具在不同舖頭最新價錢！
幫助釣友的情報利益！

原帖由 村雨 於 2007-9-18 23:03 發表

                               
登錄/註冊後可看大圖

鬧爆叔，不如加個魚具報價板！由釣友報價釣具在不同舖頭最新價錢！
幫助釣友的情報利益！

師兄,你個提議本意係好事,
但運行起黎會涉及好多複雜問題,
處理唔好,面面不討好,分分鐘係雙輸局面.....
曾經亦有網友提議,出帖黎品評各釣具店服務,
但我以題材敏感為由亦俾我拒絕左,
一路以來我為咩野咁堅持內容不想涉及商業,
當然依家我唔敢講百份百無呢種情況出現,
我知道有唔少內容都係徘徊喺灰色地帶,

依家就借你個帖講兩句,道出當中原因,
我相信若網友入去一個釣魚網站或討論區,
都係希望認真交流,可以吸收到當中技術知識,
分享釣魚活動的樂趣,料多就人多,人多就有商機,
特別係釣友裡面不乏係高消費力一群,
呢個係擺在眼前嘅事實!!

我個人都認為商品信息對釣友都係好重要嘅資訊,
但任意俾廣告鱔稿充斥網站,商家各自吹噓,
老實講你地都唔駛入黎"香港魚樂網"喇,
大把網站可以滿足呢個要求!!!
作為消費者,師兄及另一位網友嘅提議係好事,
可惜.......我並無咁大能力可以去分辨所有資訊真確性,
亦唔想呢度好似某拍賣網咁成為戰場!!!

最近我正忙於規劃網站有關刊登廣告工作,
希望可以用一個正式渠道幫助商戶推廣業務之餘,
亦可以為釣友帶來豐富產品情報!!
至於內容.....一貫堅持係釣友所想所要!!!
而當中收益亦希望可以回饋網友,
可以為大家可以帶來得益以及提昇網站硬件網絡設備,
最近網站瀏覽量亦已令設備負擔很重...
相信大家亦留意到間中會出現"500 Server Error"
其實亦有網友提議不如參考其他網站做法,
招收VIP收取費用,或者攪活動搵D收入等等,
但呢個與小弟辦網宗旨有違背,所以我婉拒左......

未來日子,如你認同鬧爆叔的睇法及做法,
請你繼續出力支持,感謝!!!

爆叔,工作雖忙,但記緊小心身體最重要!!!!!!!

...好複雜...呢個世界...只要迅念間有所偏差...就會倒退...




...興幸...自己只係一名遊人...興幸...遇到呢個網...

所以大家要幫幫手,

                               
登錄/註冊後可看大圖

出帖記住,記住,一定,一定,
唔好出價錢及商號名:fb25
:fb29有邊位曾經被扣分,
真係唔好意思.................
但係一樣會堅持落去!!!

...請你繼續堅持...不遇...唔好攪成咁喎...明日世界終結時!

十分認同爆叔的睇法 , 多謝的努力爆叔, 原來做一個網真不容易,要考慮很多方面的問題,
爆叔, 我地支持你 !!!!!

原帖由 jk521 於 2007-9-22 15:20 發表

                               
登錄/註冊後可看大圖

十分認同爆叔的睇法 , 多謝的努力爆叔, 原來做一個網真不容易,要考慮很多方面的問題,
爆叔, 我地支持你 !!!!!

jk最近工作係咪好忙!!
非常多謝各位咁支持

爆叔真系～～～！！！ 我全力支持！！！！！～！！！！！！

原帖由 naobao 於 2007-9-22 15:22 發表

                               
登錄/註冊後可看大圖

jk最近工作係咪好忙!!
非常多謝各位咁支持

係呀, 要等入季才有時間跟你去 fit 魷 啦 !!!
上次fit魷, 我還欠你 $100 囡囡錢 和 一個早餐 !!! 都要下次才還你 !!!

[ 本帖最後由 jk521 於 2007-9-25 22:41 編輯 ]