狂風下兩條友與幾隻魷

今日完本約好同一班朋友探索新位, 但因大風關係, 尋晚已經決定取消. 手痕痕既我同另一位朋友, 究竟可以點算呢? 心目中已經有一個半風位可以去, 但去過兩次都收獲麻麻, 唔理啦, 照去!

先去到一個人所共知既地點, 目的其實係上船, 但去到竟然目送船尾, 有成個鐘, 冇理由唔fit架, 於是搞左陣.
當時海面已經反起晒白頭浪, 手上既竿吹到側埋一邊, 感覺同拉竿冇乜分別, 真係唔知點算.... 加上順風位已經有多人打沉底, 手竿等, 插針都唔入, 冇辦法啦, 唯有去迎風位食下東北風....自己既心不停想: "今日唔龜算偷笑啦". 多得付碌之神眷顧, 中左隻"了"仔同磅頭魷.

迎風下的付碌收獲

船到, 拿拿聲執野走, 先去到一個木地板既碼頭, 狂風下都仲有多位師兄努力fit緊, 稍作打搞後決定轉位, 邁向今日既目的地.
到位後由我先中一墨仔及一魷, 因太細關係, 冇影相就放.
之後朋友亦中一隻size唔錯既, 佢話係佢個人紀錄, 好有手感wor

後來朋友換上紅色黃尾海雞蝦, 誤打誤撞地學識左磨底釣法, 連中11-12口"了", 繼我好朋友"了神"後, 依位朋友亦可稱為"了霸"

我當然不甘示弱, 於是又上多4隻魷, 最細果隻冇影到, hehe....



歡樂時光過得特別快, 好快又4:00pm, 話走之時, 朋友手上既杆彎晒, 原來佢中左人生第一墨呀, 死啦, 中毒越黎越深啦....:fo14

朋友既第一墨

因開始落雨, 唔捨得走都要走, 回程時見倒個甘既牌

WTF....

OK........睇黎我地fit友人要檢討下, 呵呵....

今日總結:
我: 1墨, 3了, 6魷
朋友: 1墨, 1x了, 2魷
甘既天氣, 抱住打龜既心情, 同朋友過左個愉快既下午, 算係甘啦, hehe...

連我個秘位你都去埋....
咁就真係無運行

恭喜曬呀c兄, 我琴晚都好努力, 但真係吹到竿都係咁yuk~
最後都係龜左呀~~

張野肯定係食麵果度個阿嬸貼~!
蛋X灣又幾秘?

原帖由 naobao 於 2007-9-24 00:22 發表

                               
登錄/註冊後可看大圖

連我個秘位你都去埋....
咁就真係無運行

唔使擔心wor爆叔, 我同你實行個"秘位交援計劃丫"
其實因為今日甘大風我先會去依個位既, 平時我會去D比較就腳既地方, 所以包冇抄爆架.:fo10

原帖由 arcticwind 於 2007-9-24 00:44 發表

                               
登錄/註冊後可看大圖

唔使擔心wor爆叔, 我同你實行個"秘位交援計劃丫"
其實因為今日甘大風我先會去依個位既, 平時我會去D比較就腳既地方, 所以包冇抄爆架.:fo10

一於秘位援助計劃喇
有時間出黎飯局,分享你d影相心得,等我學吓野!!

原帖由 naobao 於 2007-9-24 00:48 發表

                               
登錄/註冊後可看大圖

一於秘位援助計劃喇
有時間出黎飯局,分享你d影相心得,等我學吓野!!

爆叔你開到聲, 小弟一定奉陪既
我D影相心得.......唉........自從小弟開始fit魷後, 影相手法已經生疏左啦. 最簡單以前可以憑現場光粗略估計光圈快門等數值,  依家估錯到離晒譜.
構圖觸角又退化晒, 比一班朋友, 包括相中既朋友, 技術上遠遠拋離.
我估我都要下定決心, 入冬後少fit日水, 平日放工後fit下南區夜水, weekend留返黎操練返自己既攝影技巧先得.

我都好想去呢度再玩下

衰仔丫, 你越黎越神付奇技呀, 風咁大, 我地連街都唔想出呀, 佩服呀

原帖由 aiaya 於 2007-9-24 02:18 發表

                               
登錄/註冊後可看大圖

我都好想去呢度再玩下

你都係時候出動下啦, 再唔去玩會對唔住你支新武器架.