可以互相加分的system,是一個希望鼓勵各網友的system. 公平唔公平唔應以所得分數去衡量, 而係應以係唔係個個member 都有同等機會可以得分去衡量公唔公平.
你可以想像好似過年收利事一樣.唔係個個見到的人都會比 利事你, 比利事你gae人數目會因種種理由有不同. 你識得人多, 收利事機會會多d; 同人熟D, 利事的數目亦可能多D. 同一道理,我們希望網友會努力D出post, 等多d 網友認識自己, 熟D, 甘米你比下分我我比下分你開開心心笑下交流下, 而不是計較數字. 入香港魚樂網最大得著ng係威望金錢, 而係可以分享, 可以學習,可以識志同道合的朋友.
我分享下我自己的經驗. 我釣魚ng係有朋友帶. 當初一個人重要係ng靚的女仔! 乜都唔識,上到船唔敢同人講野,見成船人個個king到興高彩烈我又唔好意思插咀, 上到船唔想比人當孤獨精要扮訓覺扮聽歌,我全部試過. 重要d人覺得我甘古怪.. 心裏一定唔好受!.如果我當時只係問點解佢地甘熟? 點解佢地甘好玩?點解佢地唔主動對我好d? 結果只會係自己唔開心唔再釣魚. 唔再釣係一個option, 另一個option係厚著面皮照去. 今次插一兩句咀, 下次插兩三句. 慢慢日子久了 , 就做到熟gae朋友.
我入香港魚樂網亦一樣. 當初個個唔識到周圍答咀,到做版主 到衣家乞乞人憎串串共都係慢慢一步步來. 每個網友都會經此"佳"段. 你肯share 你肯post落去, 日子多了也和其他認識人多的網友一樣, d post 會多人回, 分會多人比 你肯先分享, 你會得到回報, 這就是此網可以比到各位的公平!
其實我們比起好多forum 閱讀權是好易得到. 我講緊係一個個post一分分甘慢慢加, 有相加5分10分. 相對而言, 我們在此的閱讀權是好易提升了.希望大家多加努力. 現在我看大部份有圖的貼都有人加分, 雖非100%, 但無被加任何分的貼的為數應不多. 間中有版主無加分, 亦是因貼太多之下漏看漏加了. 日後如有此等問題,網友可以PM我, 我會加比網友. 聽完網友的意見, 我地做版主的亦會更盡力去鼓勵各網友
至於有網友問 點解"新綱友,認識 各位大大 , 佢開左一個 標題 新股上市集資 , 不出半日已經有100閱讀權 ,但佢什麼都沒有做過呢 ?"
相信網友是指PMfish. 閱讀權100其實只是網主指定有工作權的人才能得到, 一般網友是得不到的. PMfish是釣界一位得高望重人仕, 所以網主invite 佢加入.由於佢無意要版主之名.但佢依然係有工作權的人仕. 你所見的分,大部份是網主加比他的. PMfish 在魚樂台登出新股上市集資post只是想以別開生面方法打招乎, 亦在網主能完成他的權限設定之前的戲貼. 魚樂台一向是輕鬆D的地方. 你的誤會只是一個戲貼而引起吧了.
其實網主加分比工作人員, 亦是比工作人員加比出post的網友. 如果因此反而令網友唔開心失望, 就白費了網主版主的心意了! 希望大家多加明白體量
[ 本帖最後由 sunhee 於 2007-10-2 12:42 編輯 ] |
提升卡
置頂卡
沉默卡
喧囂卡
變色卡
千斤頂
顯身卡
樓主
