釣魚餵野貓遺惡臭!!

近期每日早上八時,有數名釣魚人士,在大埔寶湖花園對出的林村河畔垂釣,近二十多隻流浪貓亦聞風而至,由於林村河水質嚴重污染,河魚根本不適合人食用,因此釣魚者便將魚獲丟給在場守候已久的流浪貓隻(品嘗),不消五分鐘,整條魚便食剩一堆骨。
及至中午時分釣魚者相繼離開,二十多隻貓亦鳥獸散。不過,牠們所吃剩的河鮮(殘骸)卻冇人清理,堆積在草叢中,魚骨發出陣陣惡臭,令人惡心。立法會議員黃容根指出,上林村河水質較為惡劣,貓吃河魚後可能會感染細菌而喪命,因此市民不宜釣魚餵貓,以免好心做壞事。

轉自[東方專案組]

[ 本帖最後由 飄飄然 於 2007-10-3 10:32 編輯 ]

咁樣做唔單只令d流浪貓唔識自己搵食, 仲可能害死佢地!!!!

...唔...釣完魚之後...真係好多嘢需要考慮...考慮...考慮...

其實我都係個會餵街貓既人,不過我一定唔會餵魚比佢地食既,因為明知人食左呢d魚會有事既話,
咁比貓食都害左佢地啦,好心做壞事,而且d魚未經煮熟過而比d貓食,可能會有一種可怕的寄生蟲——
華支皋吸蟲,如果貓在食入生淡水魚時被感染的話，成蟲就會寄生於貓的肝臟中，引起肝臟組織病變。
被感染貓貓會在發病初期出現厭食、精神憂鬱，繼而出現黃疸症狀：嘔吐、消瘦、有時會有體溫升高
發燒既情況,如果沒有及時發現而延誤病情的話，就有可能隻貓會提早升仙,同埋如果各位人仕係有心
餵d街貓食野既話其實最好就係買包平平地既貓糧比佢地仲好啦,因為我住既地方附近成日都有d街貓出現
既,佢地真係好慘而我自己又未有能力比個家佢地,有時經過我都會帶定d貓糧同埋買枝乾淨既水比佢地食
同飲既,佢地慘既原因其實係人為造成,有時我睇到都好心冇好唔開心,因為有d無良既主人買左佢地之後3分鐘
熱度唔要佢地就扔佢地出街,有d貓就媽咪生左bb之後d bb唔要未開眼就咁樣扔佢地出街,雖然話貓係可以天
生天養,但係d街貓大多數係比人養過之後就會失去左個求生本能佢地唔會去搵野食架,仲有d無良主人唔要佢
地之後之前又冇幫佢地做絕育,咁佢地係街咪越生越多貓咪攪到多左好多街貓囉,所以希望各位,養寵物之前都3思,唔好因為個刻鍾意就買佢返黎之後又唔要佢,停一停諗一諗,我地有權力去選擇佢地既命運,佢地冇權力去選擇自己既主人架,如果有人話點解而家街度多左好多流浪貓狗,咁就要諗下點解有咁多冷血主人,點解攪到
佢地冇左個家,我屋企已經有4貓都係收養返黎,所以我好憎呢d唔負責任既人,呢d人係唔會做我朋友既

我住大埔都唔會去林村河釣魚,d水真的很臭.

河入面係有好多魚,不過釣完之後d魚絲實唔要得.

而用河入面d魚餵貓係唔係好心做壞事就見人見知啦,不過請餵貓人仕把現場清理好才離開.

林村河個真名叫臭河...