有咩釣點想試吓??

各位,唔知喺香港,有咩釣點係你地打算想去試吓??
唔好話開發釣點咁誇張,去多D地方,可以令大家對自己地方認識多D,正如有D師兄講,時間許可,應到處發掘吓新位,樂趣高D又可以為大家帶來多D資訊,小弟最近幾次新位釣行,都有一習慣,就係影低的釣場環境及沿路照片放上黎,不過無言明釣點!!
咁樣做嘅目的,唔係扮神秘,我樂意提供相片資訊俾大家參考,但都保留小小俾大家自己去發掘,記住!!無永遠的秘位,要保護釣點,神神秘秘係無用,應由釣友自己一人行一步咁做起!!
最近我自己就想去大埔馬屎洲及西貢鹽田仔試吓步兵!!
有機會大家可以一齊試吓!!

西貢鹽田仔係唔係 = 鹹田?????

原帖由 瘋子 於 2007-10-5 12:14 發表

                               
登錄/註冊後可看大圖

西貢鹽田仔係唔係 = 鹹田?????

鹹田=鹹田灣?????

爆叔,

大埔馬屎洲好多大尾魷拖架,
我舊年D兩斤級都係嗰到同大環堂拖到

原帖由 HappyClam 於 2007-10-5 12:24 發表

                               
登錄/註冊後可看大圖

爆叔,

大埔馬屎洲好多大尾魷拖架,
我舊年D兩斤級都係嗰到同大環堂拖到

我有打算今個星期日入去試吓架
行吓fit吓都好正,
不過唔知時間安排如何??

爆叔, 你所講既說話令我有d感慨...
早陣子我常去既一個西貢島嶼fit魷, 碼頭位本來收獲好好, 我自己亦忍手每兩星期先去一次, 好讓釣場可以休養生息.
可惜係當有人見到你密密手中, 佢地亦都有樣學樣, 用相似架生, 相似手法, 釣返夠本. 但有一樣野唔學, 就係放生. 於是碼頭變得墨跡處處, 收獲大不如前.
上個月去時, 見一阿叔係生籠內有過20隻墨仔同尾魷, 全部不足手板size. 到佢走時, 同自己老婆講: "甘多, 食唔晒啦, 丟左D死到白晒既先!" 於是有7-8隻小魷小墨變成蟹及細菌既食物.
小弟自私, 之前為左保護依個釣位, 自己唔敢出post, 朋友出post時亦代為執相, 用photoshop刻意隱藏背景等等, 到頭來發覺釣位依然被人蹂躪...
想深一層, 係魚樂網既師兄師姐有幾多個唔知放生及讓釣場休息既重要性, 當初左閃右避, 原來係避錯target.
只要釣位交通放便就會有人到, 只要有旁人睇見你中, 就會學你甘釣, 但....點可以令佢地甘學我地放生呢?一想到依度, 小弟不其然感嘆...
西貢鹽田仔碼頭早排同幾位朋友去過, 可能當時水大退關係, 我地4個人冇任何收獲, 四圍只見好多水母, 並冇乜魷或墨既蹤影.

小弟依排想試既地方有糧船灣北丫碼頭, 大蛇灣等, 兩個地方都要步兵行一段路先到, 但有士多餐廳等, 可以補給.

湯記,點都好喇!!
有位師兄講得好啱,要去推廣,要去教育保育呢樣野,
主要對象應放喺細個嘅釣友,大個嘅,年紀大嘅無得攪架!!
只能夠講....無世界觀..............以偏蓋全!!

早幾年因為某些原因係鹽田仔住左幾日...
發現水漲既時候碼頭旁邊既石有幾條紅鮋@@
因水清關係見到晒!!

鬧爆叔，如果去馬屎一試，不如約埋呀，因為我都想去一試。
湯記，你的事件我都遇過，非常明白你感受，我都分享一下：試過一次分享一個秘點，（個秘點釣了幾年，都未預過一人，同時作釣）,分享後一星期，再去，就有六七人釣緊，心諗都算啦，分享得就預左有人一齊釣，行過去問聲老友有冇斬獲呀咁，其中一人惡言相向：“冇魚釣呀！通海都係簾”。嘩，我心諗唔使咁串呀，冇咪冇羅，冇魚釣通海都係簾你地成班人仲坐係度? 咪玩啦！  感覺好難受～
所以我真係唔再講咩釣點，講邊區算了，反正找釣點都算釣技一種，段古各位師兄師姐都唔會求其見到水就放餌掛～點都會考慮釣場種種因素而去作釣。
另外糧船灣我想去好耐，不過係想找船去。可惜唔腳，聽說有街渡，但係一日得一班......
而我想再去的釣點係萬宜西霸，蚺蛇灣，大嶼山羅箕灣，還有很多很多未去到的念頭～

原帖由 世樂 於 2007-10-5 13:35 發表

                               
登錄/註冊後可看大圖

鬧爆叔，如果去馬屎一試，不如約埋呀，因為我都想去一試。
湯記，你的事件我都遇過，非常明白你感受，我都分享一下：試過一次分享一個秘點，（個秘點釣了幾年，都未預過一人，同時作釣）,分享後一星期，再去，就有六七人釣緊，心諗都算啦，分享得就預 ...

我好多時D時間較難定,如果可以早D預得到,
我會出活動帖約大家一齊玩!!