本帖最後由 andy-chung2003 於 2010-6-30 22:49 編輯
唔知點解今日超早食飯
見時間尚早,抽起條根想去FIT魷
汁野,換衫,起行!!
等車等足二十分鐘,架架小巴都滿客
可能係收工時間既關係啦,行左去總站等
又排曬長龍,又等左十分鐘,入到西貢已經七點
轉車入黃石...又要等
終於...去到黃石已八點鍾
都唔緊要,仲有一個鍾玩
FIT...FIT...FIT...FIT...FIT...
無~~
FIT...FIT...FIT...FIT...
都係無
依然都係果句...唔緊要,慣左打龜
收拾行莊,返歸...
途中見到好多隻黃牛橫臥路中央,好不霸道
連D車埋到身邊都無反應,吹張
尾班車黎啦...
我一個箭步上左上層最前既座位坐低
開車...得我一個,聽下歌先
一路聽歌一路發信息
每首歌轉另一首歌既時候有幾秒咪無聲既
我好似聽到有人既喊聲...
個頭望前面...
幾時有人上左黎我都唔知??
仲坐系上層最後面(我無直接轉個頭去睇,只係望車頭玻璃反過黎既影咋...)
我靜靜鷄停左D歌...
真係喊聲...SHxT!! 係咪玩野,拍戲咩,咪玩我啦...
我即刻扮見唔到聽唔到,開到D歌最大聲
個心係度諗:"快D到啦快D到啦...我好赶時間呀...快呀"
好唔容易挨到返西貢,即刻起身落車
期間好奇之下再望左望後面...
SHxT!!! SHxT!!! SHxT!!!
人呢????? 即刻D雞皮樹起曬
唔係呀嘛??唔係咁"好彩"呀嘛??
到而家我諗起都打冷震... |