北海道自駕遊+東京2日遊

北海道自駕遊

圖片請看二樓

13 Oct
香港 – 東京 – 北海道
搭JAL早機10:55去東京再轉機去北海道札幌, 去到酒店已經係夜晚10點, 行左一陣夜街, 去左拉麵橫打睇下地道拉麵店,
夜宿於札幌酒店

14 Oct
北海道 (札幌 – 小樽 – 札幌)
早餐後步行去租車公司, 沿途逛逛著名景點如: 狸小路, 二条市場, 電視塔, 時計台, 經過札幌車站向右行5分鐘, 就係今次既租車公司,
租車公司隔離竟然有間全幢樓都係賣釣具既 building, 公司名叫”America釣具” 好鬼大, 樓高七層, 地下至四樓都係賣釣具, 主要賣
Shimano Daiwa Gama 野, 貨品超齊, 幾適合香港釣友睇, 杆價同香港咁上下,
例如大島磯賣23000日圓, 另外有齊我想買既daiwa短磯鞋款仲有Size 28號只係13000yen, 不過諗住行程開頭費事拎咁多野, 淨係買左兩對手套同D精品野就算.

行過隔離租車公司, 今次租既車係日產March, 幾慳油. 架車內置個GPS好方便, 只要打入目的地既電話或Map Code, 佢就帶到你去, 包冇行錯路.

自駕第一站去小樽, 車程30分鐘, 行左小樽運河同音樂盒工場,
晚餐超豐富既毛蟹宴一蚊位, 機票package加一蚊包埋的.
夜宿札幌酒店.

15 Oct
北海道 (札幌 – 旭川 – 層雲峽)
早餐後楂車去富良野旭川, 車程兩個鐘,去到 旭川食左個幾正既芝士牛肉漢堡排午餐., 食完向層雲峽出發, 當地氣溫得兩度, 凍到抽筋, 我地都照去景點銀河瀑布, 再去左狐狸牧場睇下狐狸.
狐狸比人綁在路邊作招徠，都好可憐，入面仲有狐狸毛賣，我地梗係唔買啦.
夜宿於層雲峽朝陽Resort. 除左大浴池外, 仲可以book個私人溫泉房, 可以對住滿山紅葉享受溫泉.

16 Oct
北海道 (層雲峽 – 登別 – 地獄谷 – 虎丈濱)
早餐後楂3個鐘車去登別, 途經海鮮市場又入去大吃一番, 之後去左熊牧場, D 熊 好攪野, 識向你揮手甚至跪拜求吃, 上面凍到抽根… 之後去左另一景點: 地獄谷, 睇下地下不停冒煙……
住宿虎丈濱溫泉旅館, 係今次行程最正但係又最平既旅館, 此旅館係好傳統既日本旅館, 環境清靜, 房間向海, 露天風呂都係向海, 溫泉男女分開中間有塊木板的, 呢間旅館雙人房只須港幣1200, 仲包埋好豐富既毛蟹宴, 正! 由於當晚好眼瞓, 我地決定第朝先浸溫泉.

17 Oct
北海道 (虎丈濱 – 室蘭 – 洞爺湖)
起身浸溫泉, 果然精神奕奕, 早餐後向洞爺湖出發, 途經室蘭, 去左當地人稱為北海道最南端既地球峽, 之後再去左一個果園擇生果, 跟住再去坐船遊洞爺湖既中島, 去埋昭和火山, 途經向日葵花園影下相先返洞爺湖和風溫泉旅館, 雙人房包埋好正既和牛宴都只係港幣1500. 夜晚湖上仲有大型煙花睇.

18 Oct
北海道 (洞爺湖 – 函館)
又係朝早起身先浸溫泉, 不過有段小插曲,諗住在溫泉影張相留念，點知比個日本人發覺，職員要求即時刪除所有照片.早餐後向函館出發, 沿途都係沿海公路, 揸左三個鐘, 第一站先去函館朝市食午餐, 再去食左個墨汁整既雪糕, 再行下行下見到間啤酒廠入去試下佢地既特色地下水啤酒, 行下精品店, 黃昏時間上函館山睇夜景, 夜宿於湯之川Prince Hotel, 呢次酒店房間內仲有個私人露天風呂, 又可以對住個海浸溫泉喇.

19 Oct
北海道 – 東京 (新宿 – 三鷹 – 新宿)
早餐後去機場還車, 乘內陸機去東京羽田機場, 今次冇車揸, 唯有睇map搭monorail轉 JR 去新宿, 今次酒店Kent Hotel 超抵, 雙人房港幣七百幾蚊一晚, 位於歌舞妓町正中心, 隔離就係上洲屋釣具店不過未有時間行, 我地o係酒店擺低野, 食佐個超肥膩既豚肉拉麵, 跟住搭JR到三鷹站, 去宮崎駿美術館, 宮崎駿fans一定要逛下, 回程返到新宿6點幾, . 新宿站西口出,行左去山水釣具店, 好鬼細淨係賣假餌野唔岩我玩, 走埋去上洲屋都係冇乜野買, 早知就o係札幌間america釣具買o個對磯鞋啦.
夜晚等佐一個鐘,食1680超抵既日式火鍋放題
Sukiyaki, 再行歌舞妓町夜街.

20 Oct東京-橫濱
早餐食拉麵, 之後搭JR去橫濱, 行下橫濱海旁, 紅色貨倉, 入去Cosmo World遊樂場玩下摩天輪, 之後搭車去新杉田再步行去YBO Yamada Bayside Outlet, o個度特價野好平, 我老婆狂掃一輪, 已經係6點幾, 返到新宿去左思憶之橫丁食野, 體驗一下日本庶民風情.再行多一下歌舞妓町夜街, 返酒店pack 野準備第朝返香港.

21 Oct 成田機場

晨早6:07搭Narita Express (NEX1) 去成田機場, 移民局好Q多人, 好彩一早到, 入去食少少野買下手信夠鐘上飛機, 就咁完成我地既日本之旅.

[ 本帖最後由 karlman 於 2007-10-30 23:32 編輯 ]

留位.....................

[ 本帖最後由 karlman 於 2007-10-30 13:41 編輯 ]

留位..............

[ 本帖最後由 karlman 於 2007-10-30 14:56 編輯 ]

正呀, 真係好想去呀 , 但可惜無錢

:me17 師兄,你kill咗我啦.........我睇完頂唔住啦!!!!!!(你同panda一樣係壞人)

睇完你D相.........真係知道....
咩野先叫人生!!

師兄想問吓北海道租車幾錢日呀？
有咩車簡架？

斃在旅遊玩樂既人生之後, 又要面對返公司做到PK既人生呢...........

原帖由 naobao 於 2007-10-30 23:20 發表

                               
登錄/註冊後可看大圖

睇完你D相.........真係知道....
咩野先叫人生!!

基本上乜車都有, 七人至跑車都有.

我呢租呢架就日產match, 基本車租 6日5夜要 29000yen  + 9000yen 雜費, total 38000yen. 而當地油價約 每 litter 140yen.
如果要toyota可以睇下呢條link
http://toyota.rent-a-lease.com/

原帖由 yamamoto 於 2007-10-31 22:24 發表

                               
登錄/註冊後可看大圖

師兄想問吓北海道租車幾錢日呀？
有咩車簡架？

師兄, 間 America釣具是不是中央区北5条東2丁目那間呀 ?

我下年二月去北海道睇雪祭....順便睇下有咩正釣具...

麻煩哂 !!

[ 本帖最後由 了神 於 2007-11-4 02:09 編輯 ]