開工偷釣

今日開工下午勁熱，做到頭都暈暈地，黃昏在青衣等緊大陸車，見有三/二粒鐘等，睇睇個錶成6點，即刻去買左二兩幾生蝦，飛入收費站玩一陣，拿拿聲開好竿，勾隻生猛靚蝦就飛落去，玩左陣上左幾條魚仔(臘仔，梳羅)，隨釣隨放，就在大約7點左右，夜幕降臨之際，剛剛放底罐可樂，個波一下勁沉，帶一帶條絲，感覺一沉，跟手一揪，妖。。。中地球咁o既？，揪多二嚇，咦。。。唔係喎，會走喎，重係咁中係咁中，即刻叫個FD拎撈磯，我就係咁揪起佢個頭，終於揪起佢個頭，我冇辦法拉佢埋o黎，唯有帶佢走去渠口，過o左去渠口就唔驚囉，係咁揪佢上水面，個FD即刻落撈磯待候，收二手又走二手，攪o左幾分鐘，終於浦頭，我同個FD一齊"哇"一聲，班呀))))，條班一見光又係咁想中返落去，個FD撈左幾嚇先撈到，撈o左上o黎二條友你眼望我眼，大汗疊細汗，終於收服一條班班！

日新 PROSTAGE SPEED 2號竿，4主3腳，5B波

註:見剩返少少生蝦，頭先5點出o左去大角咀代友報仇，話說在上星期六去大角咀釣通頂，11點幾去到，好多C兄已經佔據有利領地，咁我同個FD就行出d，差不多去到尾，在5點前，中o左幾條石狗&花頭梅，細果d隨釣隨放，跟住差不多5點果時，個FD比魚姦，佢大叫"撈箕"，說時遲那時快，我就聽到fit一聲，4號腳過石斷，個犯逃去無蹤，前後唔過五秒，所以我今朝就再去睇睇，去返差唔多位置，睇嚇會唔會有機會撞到個犯，我5點3到釣場，開竿(日新 PROSTAGE SPEED 2號竿，3號布線主，6號碳腳，6號勾)大概5點半左右，一下強勁飛波，係向左橫飛果隻，一下大揪，中。。。但成支竿係跟住佢走，眼角見到水中一下閃光，跟住"登"一聲，比個犯秒殺，真係一二秒內比佢秒殺，我呆在當場起碼有一分鐘，手心冒汗手騰騰震拎支煙出來定一定神先，跟住拾野再行出d，換埋8號腳，試嚇再博多次，在六點零鐘，天懵懵光時，再飛多口，但結果同前一次一樣，呢次捱得耐d，起碼有五秒，個犯帶住笑容逃去無蹤，第一次一晚連續比魚姦二次，我望住個海坐係度倒吸一口氣，飲啖可樂，抽口事後煙，面無血色拾野走人，走去英記食碗油渣麵，再打道回府，各C兄有興趣可去試試，睇嚇捉唔捉到個犯！

咦？點解UP唔到相片？

恭喜,我都有呢枝竿,不過冇中過甘大咪既野,勁!

師兄,你打算吾訓,跟住又玩晨水,你係超人來嗎
而家有新撈箕用啦,下次用支撈箕自己上啦,仲過癮,呵呵!

師兄,你打算吾訓,跟住又玩晨水,你係超人來嗎
而家有新撈箕用啦,下次用支撈箕自己上啦,仲過癮,呵 ...
nelvin_chan 發表於 2010-7-8 03:45

                               
登錄/註冊後可看大圖

係啊！一陣去玩埋個爆光水，橫掂聽日唔駛返工，C兄！今晚唔好意思，攪到你咁夜！下次有野玩搵埋我！

我係夜貓來,吾洗吾好意思,如果真係覺得吾好意思,下次請我飲奶茶,呵呵
岩岩因為夜番,在第2個討論區,有人放左支我想訂的撈箕,仲要全新, 換我想快d交收,呵呵
到時真係輕裝上陣!

係喲,你有msn, pm我一下

我係夜貓來,吾洗吾好意思,如果真係覺得吾好意思,下次請我飲奶茶,呵呵
岩岩因為夜番,在第2個討論 ...
nelvin_chan 發表於 2010-7-8 04:01

                               
登錄/註冊後可看大圖

我頭先就係在第二個區見到你想要那支撈礙，我即時打電話通知你，但你冇聽莫講話奶茶，加件多士又點話！haha

我轉頭帶埋你支撈箕出去

你打俾我時應該沖緊涼, 份多士要"汗底" 呵呵
另一區個撈箕我pm左條友了! 希望快快到手!